هاجم الفنان زكي فطين عبد الوهاب رواد الساحل الشمالي والجونة.
وكتب زكي فطين عبر حسابه الشخصي على «فيسبوك»: «انا عندى ٦٤ سنه .. جيل الستينات عشان اكون واضح .. انا مش عارف ولا فاهم ايه “الفشخره” والتعالى اللى عايشين فيه رواد الساحل الشمالى والجونه الايام دى».
وتابع: «انا انتمى لعائله غنيه ومشهوره .. ومع ذلك كنت بركب ال ” ميكرو باص” من جاردن سيتى لنادى الجزيره .. وبناكل كشرى فى باب اللوق ودى كانت متعه بجد .. عشان بنحتك بالطبقه الحقيقيه للشعب .. واخويا لما دخل الجامعه .. امى جابتله عربيه ” فيات ١٢٨”.. مع انها كانت ممكن تجيبله عربيه “مرسيدس”.. والمصيف كان بين ٣ اماكن ..” المعموره” والمنتزه شاطئ و”بار عايده” و”بيانكى العجمى” .. والخدم كانوا بينزلوا معانا بعد فتره الغدا فى نفس الشاطئ اللى كنا بننزل فيه».
وأكد «فطين»: «عمرى ماشوفت البذخ والتعالى والألاطه اللى بشوفها اليومين دول .. الناس كانت ابسط بكتير .. على فكره انا مش” ناصرى النزعه” .. انا بس عشقت الفتره دى .. ولسه عايش على ذكراها».
ويشارك زكي فطين عبد الوهاب في الفيلم المنتظر «العنكبوت»، بطولة أحمد السقا ومنى زكى وظافر العابدين وشيماء سيف ومحمد ممدوح، من تأليف محمد ناير وإخراج أحمد نادر جلال.
