كشفت الفنانة عايدة رياض تفاصيل اتهامها وسجنها فى قضية قديمة مؤكدة أنها ظُلمت وكل مايتم تداوله على السوشيال ميديا من اتهامها فى قضية مخلة بالآداب عاري تمامًا من الصحة وأنها سجنت بسبب قضية أموال مزورة.
جاء ذلك خلال حلولها ضيفة في برنامج “واحد من الناس” الذي يقدّمه الإعلامي عمرو الليثي المذاع على قناة “الحياة”.
قالت عايدة رياض: أنا مكنتش حاسة بالدنيا كأن قطر خدني، ده مش ظلم بسيط كل عيلتي وأهلي، ودي حاجة مش سهلة، وأنا مبقتش مستطعمة أقول إني مظلومة، والناس بيبقى ليها أعداء وغيرة من غير ذنب ولا سبب.
قضية عايدة رياض ومحرم فؤاد
وأضافت عايدة رياض: محرم فؤاد اتخانق مع الضابط وده السبب إني أتأخرت في المديرية، وناس حقوقيين بعد الثورة كلّموني وقالوا لي ارفعي قضية وخدي حقك ورفضت وقولت ليهم البلد في إيه وانتوا بتقولوا إيه، ومحرم وقف ترافع عني أمام القاضي في المحكمة”.
موضحة: “البوليس جه البيت وقابلوا محرم وقالوا له إنهم مسكوا بنت معاها مئة دولار مزيفة وبتقول إنها وخداها من مدام عايدة رياض، وطبعاً محرم صدّق ونزلنا روحنا هناك، ومحرم تفاجئ بمكالمة من زوجة مخرج”.
اتظلمت واتكتبت عني أغنية
وتابعت: “اللي بتضايق منه إنه بيتقال على السوشيال ميديا دي جايبينها من فيلا وحاجات صعبة جداً وكلام ظلم في ظلم وكان نفسي الناس تتحقق قبل يتكلموا ويظلموني، ويرجعوا لمديرية الأمن ويعرفوا أنا كنت فين، والبوليس خدني منين والقصة كلها كانت متلفقة”.
واردفت أن صلاح فايز كتب أغنية عن قصتها حيث قالت: “أستاذ صلاح فايز عمل أغنية عن قصتي اسمها “ظالمة ليه يا دنيا”، وهو كان صديق لينا أنا ومحرم”.
