تحدث الفنان عمرو مصطفى عن إصابته بالاكتئاب لمدة 3 سنوات بسبب أغنية “بشرة خير” التي تعاون فيها مع المطرب حسين الجاسمي.
جاء ذلك حلال لقائه في برنامج “مساء dmc” الذي تقدمه إيمان الحصري وأوضح : “مكنتش عايز أعمل تنازل لأغنية بشرة خير، وحسين الجسمي قال سوري مش هعملها غير لما يكون فيه تنازل، والأغنية عاملة عنده 650 ألف دولار يوتيوب فقط أي حوالي 20 مليون جنيه، ده غير المنصات التانية”.
وأضاف: “تعبت نفسيا بسبب كده 3 سنين واكتئبت، لأن حقوقي اتاخدت غصب عني، مش هعمل كده تاني مستحيل”.
وأضاف: “الناس بتتصدم مني عشان صريح أوي وأوقات بيخوني التعبير بالانفعال والعصبية، وبحاول أهدي نفسي على قد ما أقدر.. هديت شوية كتير”.
