قال المطرب محمد حماقي إن حبه لابنته فاطمة فاق أي شعور أخر مؤكدا أنه لن يقبل أن تتزوج فى حياته، وتحدث عن تفاصيل ولادتها مؤكدا أن إحساس الأبوة أكبر من أي وصف.
حل محمد حماقي ضيف الإعلامي عمرو أديب في برنامج “بيج تايم بودكاست” المذاع عبر قناة MBC.
وتابع:”فاطمة أحلى حاجة حصلت في حياتي، وكنت قبل ما أخلف دايما أسمع إن أقوى حب هو حب الأب والأم لولادهم، لكن عمري ما تخيلت الإحساس، وهو فعلا أقوى من إنه يتوصف”.
وأوضح: “أنا حضرت الولادة وأول ما طلعت ومسكتها حسيت إن شريان جديد اتفتح، أو زرار مشاعر عمرها ما كانت موجودة، إنت بتحب نفسك إلا قدام بنتك أو ابنك”.
واستكمل: “علاقة غريبة وتطورها غير طبيعي، ودلوقتي عندنا علاقة قوية وبتعمل حاجات كتير من اللي بحبها، بتلعب كورة وأهلاوية”.
وقال حماقي أن كل أفراد عائلته زملكاوية ووالدته على وجه الخصوص تشجع الزمالك بقوة واتصلت به عند فوز نادي الزمالك أمام بيراميدز معلقة “اللي خايف يروح المدرسة فتحت”.
