أكدت منة الله عبد الهادي، ملكة جمال مصر ٢٠٢١، أنها تخرجت في كلية التجارة جامعة عين شمس، وبالرغم من صغر سنها، الا أن دراستها لم تمنعها من العمل في التسويق، قائلة “بحب الشغل جدا فبدأت اشتغل وأنا بدرس اشتغلت فى الماركتينج لحد مبقيت مديرة فى سن صغيرة فى احدى شركات الماركتينج و بدى internships Marketing business developer، وشايفة ان البنت لازم يبقى عندها الـ power انها تشتغل ويكون ليها اسم” .
وعن مسابقة ملكة جمال مصر، فقالت إنها تقدمت عن طريق الصدفة من خلال السوشيال ميديا، وشوفتها فدخلت بعت ميل ونسيت لحد ماردوا عليا فى شهر ٨ انى اتقبلت مبدئيا وهنبتدى مع بعض الأسئلة والانترفيو وفعلا نظرآ لظروف كرونا كانت كل الاسئلة اون لاين و كانت عباره عن اسئله ثقافه و ثقه بالنفس، لحد ما تم إعلانى ملكه جمال مصر لهذا العام».
وتابعت، أنها تلقت ملكة جمال مصر الدعم من أهلها ولاسيما والدتها، قائلة المشجعة الأولى والأخيرة كانت مامتى كانت معايا فى كل خطوه حرفيآ حتى فى اختيار الفساتين كان زوقها ليه عامل كبير.
وعن الصعوبات التي واجهتها.. فقالت واجهت الكثير من التحديات والصعوبات، ومن أبرزها عدد المتسابقات كبير جدا، انى اكون مؤثره فى لجنه التحكيم كان شىء صعب جدا بس حاولت على اد مقدر انى اكون لطيفه مع كل البنات واشارك فى اى حاجه بتتعمل عشان ديمآ يكونوا فكرنى ومن الحاجات اللطيفه انى كنت بعلم البنات ازاى يقولو شكرا بالعربى والعفو والكلمات البسيطه دى ف كتير منهم كانوا عارفنى.
وكشفت ملكة جمال مصر، أنها تقوم بتحضير لزيارة مستشفى بهية من أجل توعية السيدات للكشف المبكر.
وعن أحلامها، فقالت : نفسى اكون ناجحة جددا وأغير فكر الناس عن ان ملكه الجمال ده لقب يرتبط بالجمال فقط لا دى حاجه مرتبطة بنجاحى وثقافتى واسمى وأن الجمال دا شىء داخلى لا يرتبط بمواصفات معينه.
