أعلنت الفنانة ياسمين غيث عن تفاصيل الحالة الصحية لها حيث تضطر للخضوع لعملية جراحية دقيقة، بعد إصابتها بـ السرطان فى الفترة الماضية، حيث وضحت أن الورم الذي تعاني منه أكبر من أن تتم إزالته بـ المنظار، مما يستوجب خضوعها للجراحة ليتم إزالته.
مرض ياسمين غيث
وكتبت ياسمين غيث منشورًا، عبر حسابها الشخصي عبر فيس بوك، قالت فيه: يا رب اللهم خير لي واختار لي، يا رب نجيني وهونها عليا، واشفيني واشفي كل مريض، خلاص الدكاترة أجمعوا إني لازم هعمل العملية قريب، وهتكون open chest مش منظار، حجم الورم أكبر من إنه يتشال بمنظار.
وتابعت ياسمين غيث: ربنا اختار لي ده، وأنا راضية والله بس أنا خايفة، هقول لكم قبلها بإذن الله، ادعولي كتير، ألف حمد وشكر ليك يارب على كل حال، وقام الكثيرين من محبيها ومتابعيها بالدعاء لها متمنين لها الشفاء العاجل.
ياسمين غيث تقاوم مرض السرطان
وكانت قد تعافت ياسمين غيث بعد معاناتها مع مرض السرطان فى السنوات الماضية، وتحدثت ياسمين عن تجربتها مع المرض فى العديد من البرامج من قبل، كما كتبت عن معاناتها مع المرض، عبر حسابها الشخصي بـ فيس بوك: الحمد لله 5 سنين سرطان، حياة على كف عفريت، زي ما بيقولوا لمدة 5 سنين، اللي اتقالي إن أول 5 سنين critical، ولازم نتابع علشان السرطان ميرجعش، لسه مش مصدقة، مش عارفة حصل إزاي.
وتابعت ياسمين: سنين صعبة وعدوا بصعوبة، ولسه لغاية دلوقتي بفتكر وبنهار، وبحلم بكوابيس أنه رجع تاني، وبصحى أصرخ وأعيط وأقول مش عايزة يحصل لي كدة تاني يا رب، بخاف وبعمل فحص كل 6 شهور، كل مرة نفس الإحساس ونفس الخوف.
