كشف الكاتب صابر كمال تفاصيل تعاونه مع المطرب عمرو دياب في أغنيته الجديدة «أكرمني يا حب»، وذلك بعد تصدر اسم الأغنية منصات التواصل الإجتماعي بعد طرح الألبوم أمس الجمعة.
وقال صابر كمال في منشور له عبر صفحته الشخصية على موقع التواصل الإجتماعي «فيس بوك»: «دار في ذهني سؤال بعد ما خلصت الغنوة دي، مين عنده الجراءة يقول الكلام ده؟! فقلت وارد ألاقي مطرب شجاع يتحمس للتجربة حتى لو هيعدّل بعض الكلمات فيها لأنّي عارف أن مش أي حد يقدر ياخد الريسك ويخاطر ويقول كده، ثم عرفت إن عندنا مطرب فتوة اسمه عمرو دياب».
وأضاف: « أخدها من غير ما يغيّر فيها حاجة، ولقيته بيكلمني تاني يوم سعيد بالغنوة وبيقول مقاطع منها معايا وبيقوللي أنت كاتب موضوع من ريحة صلاح چاهين وفؤاد حداد، شكراً نجمنا الكبير عمرو دياب، طول عمرك مغامر ومجدّد وشجاع وسبّاق».
وتابع: «شكر أستاذنا وموسيقارنا الكبير وليد سعد اللي حصللي الشرف بالتعاون الأول معاه، وحس الكلام وعبّر عنه بشكل أجمل مما كنت متخيّل، وشكراً للموزع الكبير أحمد عادل ولمهندس الصوت أستاذ أمير محروس ولكل صناع العمل».
