بعد دخوله المستشفى ..الإعلامية سالي عبد السلام توضح الحالة الصحية لوالدها

0

أوضحت الإعلامية سالي عبد السلام، تفاصيل الحالة الصحية لوالدها عقب دخوله المستشفى.

وكتبت سالي، عبر حسابها على إنستجرام: “أبويا الموبايل بتاعه دايماً صورتى وأنا صغيرة واول ما اتخانق معايا وزعقلى قدام الدكاترة عشان مخضوضة اطمنت عليه.. احنا بنتخانق كل يوم! .. لو هتضربنى يا عم انا راضية بس تفضل معايا”.

وتابعت:”رعبتنى عليك وانا مليش غيرك يا ابويا..الحمدلله الدعاء يغير الاقدار والله غيرتوا كتير وطمنتونى كتير ..هنطلع الحمدلله ونتابع فى البيت، وندعي تاني وربي يستجيب دعواتكم و يسعدكم ولكم اضعاف ما دعيتم”.

وأوضحت: “قعدت اكتر من ٢٨ ساعة من غير نوم انا وامى ويومين فى المستشفى ولما قالى مش عايز عناية مركزة لو فضلت فيها مش هطلع، و كتبت تعهد انى مسؤولة و قعدت بيه والحمدلله عدت والتحاليل والالتهاب والصفرا وانزيمات الكبد كانت مريبة بس لسه بتقل والتشخيص مطلعش زي ما كنا خايفين احمدك يا رب..قضا اخف من قضا..هنخرج من المستشفى بإذن الله والتهاب البنكرياس يخف ونعمل العملية لازم نشيل المرارة في اسرع وقت إن شاء الله وأمي كمان كان لازم نعملها العملية دي من سنتين وكنا خايفين عشان عندها مشاكل تانية بس بعد اللى حصل لازم نعملها في اسرع وقت للإتنين وخايفة أكتر بس الحمد لله”.

واستكملت: “إلا المرارة وإلتهابها وحصواتها، ده كابوس فعلاً زي ما الدكاترة بتسميه.. ربنا ما يوجعكم في أهاليكم ويخليهم ليكوا يا رب و يصبر ويعوض اللى فقدوهم ويهون عليهم يا رب.. الحمدلله اللهم هون، اللهم بارك.. وهحتاجكم في الدعاء لأمى وابويا من دلوقتى لوقت العملية..انتوا رزقى”.

وأَضافت: “اخترت شغلانتى، عشان الدعاء يا رب وانت تعلم ومفيش حد قالي ادعي إلا ودعيتله يا رب..الدعاء امانة ..
كان لازم أكتب عشان تدعولي حتى لو هو زعل بس مكانش معايا غير ربنا ودعاكم والله..أنا عند ظن عبدي بي.. يا لطيف ألطف بنا، الحمدلله ..اللهم صلى وسلم وبارك على سيدنا محمد”.

https://www.instagram.com/p/CJ_YmFvFEq1/?utm_source=ig_web_copy_link

اترك رد

لن يتم نشر عنوان بريدك الإلكتروني.