علق الفنان عباس أبو الحسن على أزمة سيدة السلام، عبر صفحته الشخصية على موقع التواصل الاجتماعي «فيس بوك».
وقال عباس أبو الحسن في منشور له: «الواضح ان كل حاجة اتكتبت في موضوع سيدة السلام اللي لقت مصرعها سقوطا من الدور السادس بلح وفتي وصحافة صفراء والأغلب من اللي انا استخلصته من شهادة أخوها والزائر ان التالي هي الحقيقة :١- السيدة ليست طبيبة اننا تعمل في عيادة ٢- الزائر مكانش صديقها ولا تجمعهما علاقة الا انه بتاع أنابيب وكانت مزنوقة ومكانش عنده وقت غير الساعة ١١ م وقالها من الصبح وهي وافقت عشان تعرف تطبخ وتاكل زي الناس ٣- هي طبيعي سابت باب الشقة مفتوح لما حضر بالأنبوب لإنه غريب وهي ست لوحدها زي ما كل الستات المحافظة ما بتعمل».
وتابع: «حقيقة الجريمة لا علاقة لها بالنخوة والغيرة وحماة الأخلاق من جيران ظنوا ظنا بطالا٥- حقيقة الجريمة تبدو وان في خلاف مُبيت بين صاحب العمار ومراته والسيدة القتيلة صاحبة الشقة لتقاعسه عن الايفاء بواجباته في العقد وكانت دائما تشتكيه وبتطالب بحقها ، وان صاحب العمارة تربصلها ولما عرف ان في راجل فوق اخد مراته وجار له وزوجته والبواب وطلع بمسرحية علي انه القتيلة معاها عشيقها ودي قال يعني مسخرة ونجاسة في عمارته ومكسروش باب ولا حاجة، اقتحموا البيت واكلوهم علقة موت».
وأضاف: «وكان المخطط لدي صاحب العمارة المجرم انه يقدر بالضرب والصدمة يجبرها تقلع هدومها ويصورها فيقدر يهددها ويخلص منها بفضيحة ، وان الست لما دة حصل ، رفضت تقلع هدومها طبعا و جالها صدمة عصبية وطلعت تصرخ في البلكونة تستنجد بأي حد ، فخافوا من انهم يتكشفوا فرموها من فوق علي انها انتحرت تحقيقات النيابة ستكشف الحقيقة».
