نشرت الفنانة أسما شريف منير، صورة جديدة لها، عبر صفحته الشخصية على موقع التواصل الإجتماعي «فيس بوك».
وفاجأت أسما شريف منير الجمهور بإطلالة أظهرت فيها فقدان وزنها، وعلقت على الصورة: «الصورة اللي علي اليمين اتصورتها امبارح يوم ٤/اكتوبر/ ٢٠٢٠ و مفيهاش اديت لجسمي خااااااالص ظبط بس الوان الصوره عشان تبان. اما الصورة التانية اللي علي الشمال دي صورة واحده تعبانه، كسلانة و معندهاش إرادة و حركتها تقيله (كان عندكم حق تقولولي انتي حامل؟) و دي كانت من ٣ شهور بس تخيلوا».
وأضافت: «وقفت وقفة مع نفسي و قلت لأ مش هتنفع الحياة دي خالص و المرة دي لازم تكون مختلفة، قررت ان مفيش حاجة اسمها دايت اصلاً و لا هينفع اتخن كده تاني…دايت ده كلام فارغ هو اسلوب حياه و نظام.. هو مش أكل معين هو إني أكل و انا جعانه.بس بقي هاكل ايه؟ و قد إيه؟ و امتي؟ و أنام ازاي؟ و اتغلب علي الضغط النفسي ازاي؟!
ايه التحاليل اللي أعملها؟ و ايه العناصر اللي لازم أكلها؟ و ايه مصادرها؟ و اطبخها ازاي؟ و تطلع حلوة مش مسلوق و اكل مستشفيات، و مش يلا اخد ڤيتامينات و هوپا عوضت كل اللي ناقصني».
وتابعت: «مفيش دايت صح! اه والله كل واحد له الدايت بتاعه المخصوص ليه احنا مش زي بعض علي فكره و ده انا مكنتش عارفاه ياما اخدنا دايت ناس صحابنا و مجبش نتايج و لما عملت حاجه مخصوصة عشاني فعلا لقيت نفسي مبسوطة جداً و بخس بعد ما كنت وصلت لدرجة إكتأب و نفسي اتسدت و ثقتي بنفسي اتهزت و فعلاً تعبت».
