علق الفنان أحمد السقا على دوره المرتقب في فيلم ” السرب “، بأن العمل من المرات المتميزة التي وضعت فيه الدولة يدها في عمل وسيخرج في أبهى صورة.
وأضاف”السقا”، في مداخلة هاتفية عبر برنامج ” كلمة أخيرة ” الذي تقدمه الإعلامية لميس الحديدي على شاشة ” ON”: “أنا بقول كده عشان مش عايز الناس تؤول كلامي لكلام غريب .. ومش عيب أن تمول الدولة فيلماً فيه أفلام كثيرة في العالم تمولها دول وأتمنى أن نكون عند حسن ظن الشعب المصري وعند حسن ظن الجهات المعنية “.
وتابع : ” الصراحة أنا أثناء التصوير الخاص بالعمل شفت حاجات كتيرة من ” أبو حق وحقيقي ” على أرض الواقع والي اقدر أقوله باسم الله ما شاء الله إحنا جامدين أوي الله أكبر لما بنتكلم على طلعة جوية وقابلنا الأبطال وتدربنا وقعدنا عليهم وبعيد عن العمل ” أبو حق وحقيقي ” جامدين جداً .. والصراحة عمل زي ده مايقدرش عليه ” منتج فرد ” لابد من دعم من الدولة “.
وحول البطولة الجماعية في العمل الذي يضم شريف منير وآخرين قال : ” فيه مجموعة كبيرة من الفنانين من أصغرهم لأكبرهم لان العمل جذاب ووسام على صدر أي فنان أن يشارك فيه وسواء أنا أو زملائي كلنا بنلعب أدوار متميزة مهما اختلفت مساحتها الكل بيشتغل ومافيش دور مش مهم كل دور عليه ضوء بشكل معين حتى الشخصيات التي تقوم بدور ” العدو ” مهمة درامياً وهذا حشد كبير في عمل زي ده “.
وحول خضوعه لتدريب جسماني قال : ” ماتقلقيش في المنطقة دي أنا جامد إدعولنا جميعاً بالتوفيق هنعمل حاجة تشرف السينما في مصر ونشرف بلدنا.. إحنا صورنا عدد أيام قليل لكن ” ماتريال كتير ” وقدامنا وقت شوية وأتوقع أن يكون جاهزاً في أكتوبر القادم “.
