أشاد المخرج عمرو عابدين بالمواهب والوجوه الصاعدة المشاركة فى مسرحية “فى حتة تانية” معرباَ عن تقديمهم اداء متقن يظهر أن مصر دائماً مليئة بالمواهب العظيمة جاء ذلك فى منشور عبر حسابه الرسمي بموقع فيس بوك.
حيث قال: “فى حتة تانية” عرض مسرحي شوفته امبارح علي مسرح طيبة مصر مليانة بكم مواهب عظيمة والله شوفت جمال متقن من ٥٥ ممثل وممثلة كبار وشباب يفرحوا بجد وكنت فرحان وانا بشوف تعبهم واجتهادهم عشان يوصلوا للحظة اللي كل واحد فيهم بيحلم بيها حلم النجومية وهم أصلا مش محترفين لكن اللي شفته شغل محترفين ويستهلوا فرص حلوة تحقق حلمهم.
وأضاف: أنا عن نفسي لو داخل مسلسل جديد لازم هستعين بكتير منهم وبدعو كل مخرج زميل يشوفهم واللي يقدر يساعد مواهب حقيقية يعمل كده ويفتكر أن كل واحد منا كان مستني الفرصة دي وذي ما أنا فاكر أول أيادي اتمديت ليا فى حياتي عشان ابقي مخرج وعمري مانسيت فضل الأستاذ ممدوح الليثي والمخرج الكبير يحيى العلمي هما كمان عمرهم ماهينسوا فضل أي ايد اتمديت ليهم.
واختتم: شكرا المخرج المسرحي الكبير سامح بسيوني علي تعبك و المنتج المحترم أحمد تمام على حلمك بخروج مجموعة رائعة ومشرفة شكرا لكل واحد تعب وأخيرا شكرا لاستقبالكم العظيم بمسرح طيبة وشكرا أخي العزيز المخرج تامر كرم.
مسرحية “فى حتة تانية ” كوميديا غنائية استعراضية تدور احداثها فى أربع لوحات ترصد وتناقش بعض الظواهر الاجتماعية المسرحية من تأليف سامح عثمان، مصمم استعراضات دكتور سامح صابر، أشعار وموسيقى وألحان محمد مصطفى، إكسسورات أزياء سماح نبيل، إضاءة إبراهيم الفرن، دعايا مصطفى شعراوي،ومن إخراج سامح بسيوني ومن إنتاج أحمد تمام وعبدالرحمن تمام.
