عقد مرتضى منصور، الرئيس السابق لنادي الزمالك، جلسة مع لاعبي الفريق الأول بعد المران اليومي، وجاءت الجلسة قبيل حل المجلس بساعتين، بعد قرار من وزارة الشباب والرياضة.
وجاءت أبرز تصريحاته خلال الجلسة “أقول لمجلس إدارة الأهلي مبروك على إيه؟، مبروك على الحكم اللي اتغير على الفار اللي اتلغى على جمهور الأهلي اللي دخل وانا مدخلتش الملعب؟”.
وتابع “لسه قدامنا المشوار طويل وأنا نفسي طويل أوي ومتوقع أي حاجة وبقول للي في دماغي كفاية كده، كفاية عندك ايه تاني هتحل مجلس الإدارة ولا هتحبسني؟ كفاية”.
وأضاف منصور “اتمنى ملاقاه الأهلي في نهائي كأس مصر عشان نديله الدرس، ونرد على من سرق الفار وغير الحكم وآتى بإبراهيم نور الدين”.
أمام عن لقاء الأهلى والزمالك بالنهائي فقال منصور “ثلاث كور في العارضة، منهم كرتين هو ده فرج عامر ده شغله ومعاهم “موسلماني” اللي جاي جاهز للحاجات دي ما شاء الله بدماغه ديه، كان نفسي اقول للأهلي مبروك بس أقول مبروك على ايه”.
وأخيرا قال مرتضى للاعبيه “دي بطولة وراحت وربنا هيعوضكم عنها وهنصرف مكافآت أنتم ابطال عملتوا ماتش عالمي واتسرقتوا في الآخر، وأنتو متغلبتوش”.
ويذكر أن وزارة الشباب والرياضة احلت مجلس إدارة الزمالك برئاسة مرتضى منصور، وكلفت مجلسا جديدا برئاسة المستشار أحمد بكري لحين الإنتهاء من التحقيقات أو إنتهاء مدة المجلس السابق.
