أطلقت الإعلامية ندى إمام مبادرة «جوة الغلاف»، وهي قائمة على مجموعة فيديوهات لمناقشة كل كتاب على حدى.
وأوضحت ندى أنها تحب القراءة، ولكن مع انشغال البعض وقلة الوقت قررت أن تناقش الموضوع بشكل مختلف، لتقديم كتب من مختلف المجالات من خلال الفيديوهات.
وقالت «ندى» في تصريح لـ«اليوم»، «تشجيع الناس على الرجوع للقراية مش سهل، خصوصَا إن مبقاش في وقت وسط زحمة الحياه، لكن إحنا ممكن نتغلب على الموضوع ده من خلال مبادرات أو محاولات زي (جوة الغلاف)، اللي بقدم فيها الكتاب بشكل شيق وبحكي اللي جوه الكتاب بشكل يخلي أي حد يتفرج علي الفيديو يقرر إنه يجيب الكتاب».
وتابعت، «بختار الكتاب بالاتفاق مع دار زحمة كتاب اللي بيقوموا برعاية الفيديوهات، في كل حلقة بختار كتاب مختلف سواء رومانسي أو بوليسي أو اجتماعي، وكل مرة شكل مختلف مرة روايه ومرة مجموعة قصصية ومرة شعر»، لافتة: «ردود الأفعال مُبشره جدًا، والناس بتبعتلي تسأل على الكتاب بعد الحلقة».
واختتمت ندى: «بحلم أحول فيديوهاتي لبرنامج تلفزيوني ثقافي مختلف، وأستضيف خلاله كبار الكتاب والمثقفين في مصر والوطن العربي».
