تحدثت الفنانة هند عاكف، عن تفاصيل أزمتها فى حفل افتتاح مهرجان القاهرة السينمائي فى دورته الـ 44، وتفاصيل محاولة منعها من دخول الحفل، وأكدت إنها كانت تحمل دعوة لحضور المهرجان أهداها لها أحد زملائها.
بكاء هند عاكف لم اتلقى دعوة
وقالت هند عاكف خلال برنامج نص الكلام: أنا مجاليش دعوة من إدارة المهرجان، ينفع الكلام دا لفنانة مصرية بتشتغل من وهي عندها 4 سنين؟، وأنا كنت بدخل المهرجان دا والدعوة كانت بتكون داخل السيارة، وكان معايا بالفعل دعوة من زميل قالي أني مقولش لحد أنه بعتلي الدعوة عشان هم ممكن يبعتولي، وكنت نازلة بالدعوة من البيت.
وأضافت: أنا دمعتي نزلت علشان صعبان عليا تاريخي وتاريخ عائلة عاكف اللي أنا شايلاه طوال عمري ومحافظة عليه، قُلت استحالة هيعملوا معايا موقف زي دا، لأن ليا تاريخ أيًا كان كبير أو صغير، بغض النظر أني بعدت شوية، وأنا بعدت علشان كنت بعمل حاجة لصالح بلدي ولصالح المواطن المصري.
هند عاكف وحسين فهمي
وأكدت::إنها ستعاتب الفنان حسين فهمي رئيس المهرجان، قائلة: سأعاتب الأستاذ حسين فهمي كرئيس مهرجان، والمهرجان دا بيتي المفروض وهي جاهزة ومحدش يمنعها، أولًا لأن احنا فنانين.
واستكملت: وثانيًا لتجنب المشاكل، ودا مهرجان بلدنا، تعالي أتفرجي على العائلات داخل المهرجان، الدعوات لو كانت راحت للفنانين بس كانت كل الناس هتدخل، مع احترامي الأول الفنان ثم البلوجر.
بداية أزمة هند عاكف
يذكر أن هند عاكف أثارت جدل واسع وتسببت فى أول أزمات مهرجان القاهرة السينمائي الدولي حيث ارتدت مخالف فستان طبع عليه صور عدد من النجوم الراحلين، ولم تلتزم بالدريس كود المخصص،رغم تحذيرات رئيس المهرجان الفنان حسين فهمي وحينما حاولوا منعها أثارت خلافا قائلة:” مينفعش حد يمنعني أدخل مهرجان بلدي”.
