أعلن الإعلامي عمرو أديب، عن كواليس المكالمة التي دارت بينه وبين زوجة الراحل وائل الإبراشي .
وأكد”أديب”، خلال برنامجه الحكاية مساء اليوم الجمعة، أن وفاة الإعلامي وائل الإبراشي كانت بسبب الإهمال الطبي الذي تعرض له خلال مدة علاجه، مبينا أن تدهور حالته الصحية كانت مفاجأة للجميع.
وتابع:” كانت هناك مكالمة مطولة بيني وبين زوجة الراحل وائل الإبراشي، قالت “السنة اللى فاتت إحنا فى الأجازات سافرنا اليونان، وكنت بتفرج عليه فى التلفزيون باليل، وقولتله يا وائل الكحة بتاعتك مش عاجبانى، شوف إيه الحكاية، فوائل وهو بيشتغل راح عمل مسحة وقالها أنا عندى كورونا، ودى حاجة بتحصل لأى حد، بتحصل لملايين وحصلتلوا، قالتله أنا هنزلك على طول وهو رفض وقالها كويس أن أنتم برة”.وأردف:”اتصلت بأحد الأشخاص اللى شغالين معاه فى البيت، وقالتله كل يوم الساعة 4 حط الاكل لوائل على الباب لحد ما يتحسن، وكل يوم بتسأله أنت عامل إيه وأخبارك إيه وتطمن عليه، وبعدها الطيران اتقفل وهى كانت فى اليونان، فكان فى سبب قهرى”.
وعن صدمته في تخصص الطبيب المعالج يقول:”هى سألته قالتله مين بيعالجك، قالها على اسم دكتور، وإن فى حد رشحهوله، وقالها أن فى الدكتور ده قاله أن فى دواء معاه بيعالج كورونا، ولما سألته عن تخصصه، قالها ده تخصص جهاز هضمى”.
