قرر الفنان تامر حسني أن يشارك الجمهور تجربته الشخصية ويساعدهم من خلال تجربته بالتواصل من خلال رسائل ليلية، متقمص دور مذيع الراديو أسامة منير صاحب البرنامج الليلي الشهير انا والنجوم وهواك.
حيث نشر تامر حسني عبر موقع الصور والفيديوهات انستجراموصورة له كتب عليها رسالة موجهه إلى الجمهور “إحنا في زمن لو احتجت فيه إيد تدفيك، ابقى أمسك إيدك التانية، إحنا في زمن يلا نفسي، عشان كده معندناش حل غير إن كل واحد فينا ينجح”.
وأضاف فى منشوره : “إن شاء الله كل كام يوم هاجي على بالليل كدا نتناقش في موضوع من خلال مشواري وتجربتي في الحياه، جايز تستفيدوا منه حاجة وجايز يكون في كتير منكوا هيكون كلامي بمثابة إشارة تشجعهم كانوا مستنيينها”.
الرئيسية
وتابع فى منشوره : “من خلال خبرتي، النجاح بيقوي ويجعل كل من حولك يهتم بك والعكس صحيح، وأعني بالنجاح النجاح الإنساني في علاقاتك بربنا والناس.. النجاح المهني وتحقيق ذاتك وطموحك وتحديك لكل الصعاب وتخطيك لكل محنة زي ما عملوا كتير قبلك، وظروفهم كانت أصعب منك ووصلوا لأكبر من أحلامهم”.
وتابع: “أمانة عليكم محدش يكتبلي عاش وهو دا وتقبر قلبي، أنا عايز أفتح باب نقاش حقيقي يخليكوا تاخدوا قرارات مهمة في حياتكم أو تتشجعوا وتتحمسوا لخطوات إيجابية”.
واختتم رسالته : “اتكلموا وقولوا اللي جواكم، تفريغ أحاسيسكم هنا وأي أسئلة جواكم أو أي مواقف أو حكايات لما تتقال هنا هتبقى أول خطوة للصح، عشان هتتولّد طاقة كبيرة للخير شاهد عليها ربنا فهتكون خير أوي لينا إن شاء الله”.
