علق محمد هداية عضو مجلس إدارة الغرفة التجارية بالجيزة في قطاع الهواتف على إعلان شعبة المحمول ارتفاع أسعار الموبايلات بنسبة 20% بسبب الإجراءات الاقتصادية وسؤال الإعلامية لميس الحديدي : أسعار الموبايلات في مصر أعلى من الخارج بكثير في الوقت العادي ليه بنرفع أسعار تاني وفيه مخزون ؟ قائلاً : “ماعندناش مخزون قديم بالشكل اللي الناس فاكراه يغطي السوق “.
وتابع في مداخلة خلال مداخلة هاتفية ” خلال برنامج ” كلمة أخيرة ” الذي تقدمه الإعلامية لميس الحديدي على شاشة ON:الناس فاكرة إن رأس مال التاجر هو فلوس والعكس صحيح رأس مال التاجر في بضاعته والارتفاع الأخير الذي حدث بعد تحرير سعر الصرف كل شركات الموبايل بعتت رسايل وقالت نفذت كمية البيع وده بالنسبة للشركات الكبيرة بعد الإعلان عن سعر الصرف أغلقت عمليات البيع وقالت نفذت أصلاً. “
لافتاً إلى أن سوق المحمول يشهد ركوداً كبيراً بالأخص منذ فترة كورونا ثم الضرائب التي زادت وسعر الدولار الذي وصل لحاجز 18 جنيه كل ده كان ليه تداعياته “.
ورداً على سؤال الحديدي : لما فيه ركود بنرفع الأسعار ليه ؟ وفيه تخفيضات بتعلن غير حقيقية وغريبة جداً والسؤال : لما بنلاقي ركود على سلعة وإحجام على سلعة بيتم تقليل السعر ليه التجار مش بينزلوا السعر ؟ ليرد :إحنا تجار مش وكلاء ولما بنعمل تخفيضات بتكون من هامش ربح التاجر يعني أكبر تاجر موبايل في مصر اكبر هامش ربح ليه 2% يبقى كويس بالإضافة لأعباء الضرائب ومرتبات الموظفين يادوب نسبة 2% تغطي الاحتياجات. “
وكشف أن الفترة الماضية شهدت خروج لاعبين من سوق المحمول بالإضافة لحالة الركود التي اتضحت في تراجع مبيعات المحمول في الربع الأخير بنسبة 10% .. لترد الحديدي : صعب تتصدق أنكم بتكسبوا 2% بس ليعقب : خطوة الجمارك الأخيرة ورسوم التنمية والضرائب رفعت التكاليف لنسبة 41%.
لتقاطعه الحديدي : هو أنتوا هستوردوا بسعر الدولار الجديد عشان ترفعوا الأسعار ؟ ليرد :لو جينا نراجع الواردات هتلاقي ” أستوكات ” الأجهزة قليلة جداً والوكلاء الي قفلت على المخزون مش إحنا.
