أشعلت الفنانة شيرين عبدالوهاب غضب الكثيرين من جمهورها ومتابعيها حيث لاقت تعاطف كبير منهم خلال ازماتها المتلاحقة والهجوم على حسام حبيب بعد تصريحاتها حول كونه السبب فى كل الأذى الذى طال حياتها،وظهر ذلك فى الكثير من التعليقات المتعاطفة معها عبر مواقع التواصل الاجتماعي لتتحول للعكس بعد تأكيد خبر عودتها رسمياً مساء أمس لحسام حبيب و الإعتذار له،لتنطبق على شيرين عبدالوهاب أغنيتها الشهيرة “أنا كل حاجه وعكسها” فقد نفت كل اتهامتها السابقه لحسام فى مداخلتها الهاتفية مع الإعلامي عمرو أديب من خلال برنامج الحكاية وصرحت أن حسام هو حب عمرها.
تصريحات شيرين عبدالوهاب
وخرجت شيرين عبدالوهاب فى مداخلة سابقة طويلة وصادمة لبرنامج “كلمة أخيرة” مع الإعلامية لميس الحديدي قدمت فيها اعتذارها للجمهور على الهواء، قائلة: “عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا ميحبهاش”.
وأضافت : “كدبت في حاجات كتيرة أوى لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية ولو كنت قلت كلام وحش وقتها مكانش هيعرف يتجوز وأنا نفسي يتجوز ويبعد عنى وأخلص منه”.
وقالت : حسام سرق العربية من قدام البيت.. سرق العربية مستغلا تواجدى فى الساحل.. أنا خرجت من الجوازة دى بالوكسة والحسرة.. دا إنسان خطر، لازم أروح اتعالج من آثاره عليا”.
وأضافت : “كنت متكفلة بمصاريف بيته التانى (بيت والدى حسام حبيب) .. طول عمره ما بيشتغلش ، وأهله باصين لى فى كل حاجة.. لو عملت أغنية ناجحة أمه هتقول اشمعنى ابنى.. حسام حبيب عاطل بالوراثة”.
حسام حبيب حبته عقربة
لأني كنت عايشة مع زوج مش بيشتغل تقريبًا، وكنت محبوسة 24 ساعة في أوضة نومي مش بعمل حاجة، قاعدة بس، وأنا غلطت في حق نفسي، وكنت فاكرة أنى بحافظ على بيتى لكنى اكتشفت أنه ما كنش بيت، كانت عيشة فئران أو مصيدة أنا كنت زى الفار اللى بيدخل المصيدة ياكل حتة جبنة”.
وأضافت: “كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك، ومع ذلك فضلت جمبه، وهو لا يعرف إلا فكرة حب الامتلاك، وصبرت لأنى كنت بحاول أنجح الحب ده ومكنتش بحب اتهزم وأنا بطبعى أكون خدامة الرجل اللي أعيش معاه لكن حسام دا حبته عقربه أحب الفيل أبو زلومه أحسن.
شيرين عبدالوهاب..حاضر ياسي حسام
بدأت شيرين عبدالوهاب المداخلة مع عمرو أديب بالحديث للجمهور حيث قالت “أنا زي الفل دلوقت وبطمن كل جمهوري عليا، وتناولت عن كل القضايا اللي بيني وبين شقيقي أثر الخلافات في الفترة الماضية”.
واستكملت: “مش هستحمل أن أمي تشوف أبنها وبنتها بينهم خلاف وفي المحاكم، وأنا طبعي كدا أني اتسامح ومش هعرف أغير الطبع دا فيا، والحمد لله أن دا حصل وهو كان خايف عليا،أنا كويسة بس لسة بخضع للعلاج النفسي اللي بدأ من ولادتي لبناتي، ولكن لا احتاج لأي رعاية طبية”.
وعن شقيقها قالت : “أنا بشكر أخويا محمد عشان عرفني على المستشفى وكانوا مدلعني هناك المشكلة أني اتأخدت على خوانة وبعدين تأقلمت على الوضع”.
شيرين عبدالوهاب حسام حبيب حب عمري
وتحدثت عن سبب خلافها مع حسام حبيب أنه عمل سفلي حيث قالت “سبب خلافي مع حسام كان بسبب عمل والحمد لله المواضيع اتحلت وأنا أصغر من أني أتكلم عن الأعمال والحاجات دي بس الحمد لله”.
وتابعت: كنا المفروض نكتب كتابنا يوم السبت لكن حسام قالى نكتب النهاردة قولتله حاضر ياسي حسام ،حسام حب عمري وأنا بعتذر له على أي إساءة.
وعن نضال الأحمدية قالت: هى أختى وأنا بشكرها وهى كلمتني وفهمتها كل حاجة وباركت لينا ودعت لحسام.
