رد المطرب رامي صبري، على اتهام المطرب عمرو مصطفى لأغنية “يمكن خير” بأن لحنها مقتبس من أغنيته “رقصة”.
رامي صبري قال في تصريحات على نجوم اف ام: عمرو مصطفى عشرة كبيرة ومن المفترض أننا أصدقاء لكن طريقته لم تعجبني
وقال إني سرقت ورامي صبري مش هيسرق وأنا فنان والمبدع الحقيقي لا يسرق.
وأوضح، أن هناك فارق بين السرقة وبين توارد الأفكار “قديما قدمت أغنية لعامر منيب تدعى (ده مكنش حب وهندم ليه) ثم بعدها بعام الملحن محمد يحيى قدم أغنية لعمرو دياب تشبه ألحاني”.
وأضاف: “كلام عمرو مصطفى يدينه وعيب إن ملحن كبير ومحترم يقول على فنان تاني مفروض أنه ملحن ومطرب مش صغير يتكلم عنه بالشكل اللي مش حلو”.
وتابع رامي: “أنا لو مركز معاه هيتحاسب على كلامه بالقانون، لكن يفرق معايا الجمهور ومش هرد عليه بطريقته وأقوله ربنا يهديك واشتغل واعمل حاجات جديدة وركز في شغل حلو، والكلام ده صغير وعيب يطلع من فنان كبير زيك”.
وأضاف: عمرو مصطفى لما بيغير من نجاح شخص بيخبط في الناس، ونفسي عمرو كصديق يركز لأنه فنان موهوب جدا وقدم أغنيات مهمة في مسيرته الفنية.
