تحدث الفنان كمال أبو رية٫عن بعض أموره الشخصية وإنه يستطيع العيش بدون المرأة٫ معقبا: “أقدر أعيش من غير الست وجربت ولقتني مرتاح”، حل كمال أبو رية ضيف برنامج “كلام الناس” المذاع عبر فضائية MBC مصر،أمس السبت.
وتابع: “ليا صديقة في حياتي بدردش معاها وباخد رأيها وأحيانا الأصدقاء بيكونوا أكثر شفافية من القريبين زي الزوجة كدة”.
كمال أبو رية الزوج يكسر الحاجز
وأكمل: “مبحبش تعدد الزوجات ولو الست مهملة فى حق زوجها المفروض يستوعبها ويكسر الحاجز ده مثلا أنه يروح يتفسح ويرجعلها تاني”.
معلقاً: “طبيعة الست المصرية مضحية وبتحب ولادها فمجرد ما بتتجوز بيكون كل اللي شغلها الولاد فبتنسى نفسها وبتنسى جوزها”.
زواج كمال أبو رية ونرمين الفقي
تحدث أيضا عن شائعة زواجة من الفنانة نرمين الفقي حيث قال: قالوا كده كتير، هو أصل السوشيال بيكون معندهمش لا قرائن ولا دلائل، يعني أنا هتجوز نرمين الفقي، طيب معملناش فرح؟، طب معملناش حفلة صغيرة كده طيب؟”.
وأستكمل: “نرمين أخت وصديقة وزميلة عزيزة، وإحنا أصدقاء من زمان واشتغلنا مع بعض كتير، وإحنا جيران فعلا، وأنا يمكن ترددت في بعض المناسبات كتير يعني، فهم شافوا كده، يعني في ناس تقابلني تقولي يعني دي إشاعة يا أستاذ كمال، فاقوله آه، فيقولي يا خسارة.
شارك كمال أبو رية فى مسلسل “المداح” عُرض فى الموسم الرمضاني الماضي ، من تأليف أمين جمال، وليد أبو المجد، شريف يسري، وإخراج أحمد سمير فرج، وشارك في بطولته نسرين طافش، أحمد بدير، خالد سرحان، محمد عز، جمال عبدالناصر، دنيا عبدالعزيز، حنان سليمان، محسن منصور، ومحمد الصاوي، وغيرهم.
