بقلم مصطفى سبتة
أناممكن أكون زيكم انسان
واعيش مابنكم و البس من
لبسكم واكل كمان من اكلكم
أنا في بيت وزى بيتكم علي
سرير ومخده ومرتبه واتغطى
بطنيه واتغطي من البر كمان
أنا انسان ونفسي تعرفوني
أن انا والله زيكم انسان
بجد في حد منكم عارفني
أنا اللي ضحكتي مكتومه
لا حضن حنين خدني
وايامي اللي جايه مهمومه
لا أيد تطبطب وتاخدني
والكل يبصلي بصه مذمومه
هدومي أنت شايفها
ودنيتي كمان عارفها
ونفسي من الحلم محرومه
أب عنه معرفش
أم مين مفهمش
فرحتي من الدنيا محذوفه
أضحك ضحكة سخريه
والعيال بتضحك عليا
وعلي هدومي المقطوعه
وأقول هو بكره هكبر
وبرضه هبقي كده متغبر
وأوراقي في بلدي ممسوحه
يا بكره بلاش تيجي
خايف منك عارف مصيري
خليني صغير بدمعه موجوعه
أنام جعان أنام سقعان
أنام مقومش من النومه
مين هيدورصوره يصور
هي أخرتها والله معروفه
