تصدرت رنا سماحة، محرك البحث الشهير “جوجل”، خاصة بعد إلغاء متابعتها لزوجها الملحن سامر أبو طالب، وعلى الفور، قام سامر بالرد على زوجته، وألغى متابعتها هي الأخرى عبر موقع تبادل الصور “إنستجرام”.
وخرجت رنا عن صمتها، وكتبت رسالة طويلة عبر حسابها الرسمي على موقع التواصل الاجتماعي “فيسبوك” لتؤكد خبر انفصالها عن طريق غير مباشر، حيث كتبت: “عذراً أيها الـtrend ..فلدي ما هو أغلى من كنوز العالم اتعلمت في بيت أهلي أن العلاقة بين الراجل والست أمانة مينفعش تطلع بره البيت.. خطيبتك مراتك طليقتك أيًا كان”.
وأضافت: “الأمانة دي ولاد الأصول بس اللي بيعرفوا يصونوها وميفشوش أسرارها.. ولاد الأصول بس اللي مبيكذبوش ولا بيتدعوا على بعض بالباطل.. ولاد الأصول مبيقذفوش المحصنات (كبيرة من الكبائر).. ولاد الأصول بس اللي مبيخونوش الأمانة.. ولاد الأصول بس مبيفجروش في الخصام”.
وتابعت رنا: “ولاد الأصول مش محتاجين يستعطفوا حد ولا محتاجين يتدعوا المثالية بيسيبوا أخلاقهم تتكلم عنهم ومبيتكلموش هم عنها.. ولاد الأصول مبيلقحوش على بعض مبيجيبوش سيرة بعض غير بالخير.. ولاد الأصول بيعاشروا بالمعروف وبيفارقوا بالإحسان.. ومبينسوش الفضل بينهم.. ده اللي ربنا أمرنا بيه ده اللي أهالينا ربونا عليه ده اللي الإنسانية بتقوله.. أي حاجة غير كده تبقى عدم تربية.. قلة دين.. انعدام أخلاق”.
وأضافت: “انعدام الأخلاق ده مينفعش نزينه ونقول اوووووه ترند، في داهية الترند اللي ينسينا أخلاقنا وتربيتنا وأصولنا، الإنسان بيعيش حياته وبيمشي (رحلة)، مش هيفضل منها غير سيرتك وأعمالك الطيبة وكلمتك اللي بتتصدق بيها.. سيبوا الخير وانتوا ماشيين عشان الناس تدعيلكم بدل ما يدعوا عليكم.. اجعل من يراك يدعو لمن رباك”.
وطالبت جمهورها عدم السؤال مرة أخرى عن حياتها الشخصية قائلة: بطلب من اي حد هيكلمني عشان يعرف اي تفاصيل تخص حياتي الخاصه يوفر على نفسه وميكلمنيش ميهمنيش السبق الصحفي ولا الشو الاعلامي ولا الاكثر بحثاً غير في شغلي فقط في الخير والفرحه وبس.. عاهدت نفسي واهلي والناس الي بحبهم اني اكون خير قدوه.. عاهدت ابني الي عيني لسه مشافتوش اني اربيه على الاصول والاحترام والرقي.. عاهدته اني اربيه يبقى ((راجل)).. ف متستنوش مني ما يفعله الاخرون.. مش عايزه ابقى ترند✋?
وعلى صعيد أخر، تستعد المطربة رنا سماحة لإحياء حفل غنائي ضخم يوم الثلاثاء 7 سبتمبر المقبل وذلك على خشبة مسرح قاعة النهر بساقية عبد المنعم الصاوي بمنطقة الزمالك ومن المقرر أن ينطلق الحفل في تمام الساعة الثامنة مساء.
