تصدر الفنان القدير رشوان توفيق مؤشرات البحث وتحدث فى تصريحات تلفزيونية عن تفاصيل كثيرة عن حياته وحبه الشديد لزوجته الراحلة وأنه كان يعد لها الإفطار كل يوم صباحاً معرباً عن وقفوها بجانبه فى كل أزمات حياته وتدبير كل الأمور المالية.
كما تطرق رشوان توفيق لبعض القصص الخاصة بأحلام ورواى خاصة جمعته بالعديد من الفنانين منهم الفنان الراحل محمود ياسين، وقال: ” كنت فى عزاء الراحل محمود ياسين وبعدين شوفت رؤيا بالليل وهو لابس جاكيت أبيض وفى عز شبابه ووسامته في محطة ريفية ناخد بعض بالحضن كلمت عمرو ابنه قلتله قول لماما انا شوفت محمود في رؤيا ومشوفتوش في حياتي لابس الجاكيت الأبيض ده، شاءت الظروف وأنا بقلب في قناة لقيت محمود ياسين بالبدلة اللى انا شوفته فيها “.
وأضاف: الرئيس الراحل أنور السادات شوفت بنته تتحدث في التليفزيون بتقول عايشة بمعاش بابا وقفت في الشقة وقرأت الفاتحة للرئيس الراحل..وأنا بصلى قبل الفجر عنيا غفلت لقيت إيده اتحطت على إيدى الشمال رفعت عيني لقيت الرئيس السادات لابس بدلة التشريفة اللبني وصرخ وقال “لا اله الا الله ” وكررها مرة أخرى ، رديت وقلت : “محمد رسول الله ” بعد كده الايد اتسحبت من على كتفى الشمال”، فتحدثت مع الراحل حسب الله الكفراوي وقالى ده شهيد”.
تابع: كلمت عمرو الليثي علشان يبلغ جيهان السادات بالرؤية قالى كلمها على التليفون الأرضى كلمتها وعرفتها بنفسى وحكتلها الرؤيا وقلتلها إن المهندس حسب الله الكفراوي قال إنه شهيد ، قالتلي أتارى حسب الله بقاله مدة مشفنيش ولما شافنى قالى عاوز أكلمك في حاجة.
