وجهت الإعلامية ريهام سعيد، رسالة إلى جمهورها بمناسبة العام الميلادي الجديد، وذلك عبر صفحتها الشخصية على موقع تبادل الصور والفيديوهات «إنستجرام».
ونشرت ريهام سعيد صورة لها، وعلقت عليها: «كل سنه و انتوا طيبين . كل سنه و انتوا سالمين و معفيين من اي شر او مرض يا رب . مقدرش اقول انها سنه وحشه لاني قربت من ولادي و قرايبي و الحمد لله طلعت منها سليمه و علي الاقل لسه موجوده فالف حمد وشكر . كانت مليانه صدمات من الي حواليه و عرفتني ان انا كنت عايشه و سط زباله الحقيقي».
وتابعت: «الدنيا نضفت و كل الامور واضحه خلاص علي مستوي الشغل مكانش في حد جدع . اوعي تيجي علي نفسك عشان حد و لا تصدق كل الي يتقال للك . المواقف هي الي بتبين كل خاحه انا كنت عايشه وسط ناس مريضه الغيره و الحقد هايقتلهم. اخر صدمه ليه كانت من ليلي الي باعت العيش و الملح و صعب عليها التعلب مع انها ماشفتش حاجه كله علي السمع . الجاموسه مش بتصعب عليها و لا كبدتها هو التعلب الكيوت بس الي اتقفل الحديد علي رجله المهم انها كانت فاهمه اني موت تعلب ادام الكاميرا كلامها كان بيقول ان روح التعلب هاتختصمني يوم القيامه».
وأضافت: «انا ماشفتش تعلب في كلامك انا شفت سواد في قلبك مسكتي سكينه و قلتي يالا نقطع فيها هو ايه الي رجعها شغلها دي هاتموتني من الغيظ تاني ؟ و لا انتي ضد الصيد اه عشان كده ممكن تعيشي مثلا مع فيران و صراصير ما هي ارواح علي فكره . . مشروعاتك الي يتباهي بيها انا هاثبت انها بلح مش انتقام والله بس انا كنت ساكته عشان العيش والملح بس بما ان دي دقه قديمه حاضر انا الناس برضوا بتصعب عليه زي ما التعلب صعب عليكي كده بس انا حقيقيه مش زيك».
واختتمت: «هو انا بصراحه تعبت بس مش بستسلم و لا هاستسلم . لما يتصدم كده في ناس بعرف ان ربنا بيحبني فبينضف الي حواليه . في ناس جدعه قليلين بس مًوجودين و منهم اختي و جوزي ربنا يخليهم يا رب . السنه دي انا اقوي و اعقل و نقسي احقق الي ماحققتوش السنين الي فاتت . يا رب يشفي كل مريض يا رب و يرحم مًوتانا يا رب».
View this post on Instagram
