قالت الإعلامية سهير جودة، إن مصر تعيش ليالي مميزة حاليا بسبب مهرجان الموسيقى العربية، في دورته ٣١، مؤكدة: «الموسيقى زي الصلاة وبتدي احساس بالامان في الكون وبتدي الاحساس بالبراخ والراحة، ومهرجان الموسيقى العربية فيه مطربين من كل الدول العربية، من مصر في مطربين قدام وجداد، ومطربين عرب كبار».
وأضافت سهير في برنامجها الذي يحمل اسم «الستات»، والمذاع عبر فضائية «النهار»: «الاصوات مميزة في المهرجان زي مي فاروق وايات فاروق ومروة ناجي، وهما اصوات محتاجة صناعة، هما نجوم بكل ما تحمله الكلمة من معنى، وهما عندهم كل مهارات النجوم، زي الصوت و الحضور اللافت على المسرح، لكن احنا ناقصنا صناعة النجوم ومحتاجين المهرجان ده اكتر من مرة في السنة، ومحتاجين نسمع هاني شاكر وعاصي الحلاني وراغب علامة وعفاف راضي وعلي الحجار ومدحت صالح اكتر من مرة في الاوبرا».
وأشارت: «كل الناس اللي كانوا موجودين في مهرجان الموسيقى واللي مستمر حتى يوم الخميس الجاي حالة من الروعة، اكتر حاجة ممكن تستوقفك الناس، والمسرح بيبقى فيه 2000 واحد، و اغلبهم ناس بتيجي على كرسي او على عكاز، والجمهور اللي بيحضر المهرجان بيقولوا ان مصر لسة بخير، ذوقها لسة حلو، وان قوة مصر الناعمة هتفضل كبيرة ومؤثرة».
_________________
سهير جودة توجه رسالة للفنانة نجاة وتطالب وزارة الثقافة باقناعها للعودة للغناء
حرصت الاعلامية سهير جودة، على توجيه رسالة خالصة للفنانة نجاة على الهواء، قائلة: «نجاة صوت بيوصل للمشاعر وبيوصل للروح، هي فيها براءة وشفافية وصدق، هي اختصار للعذوبة، بحضورها برقتها بإبتسامتها».
وأضافت سهير في برنامجها الذي يحمل اسم «الستات»، والمذاع عبر فضاىية «النهار»، قائلة: «احنا بنقول للست نجاة بنحبك جدا ارجعي، الاغنية الرائعة من قصيدة نزار قباني والحان محمد عبد الوهاب، اللي بتقول ارجع الي، احنا بنقولها ارجعي لينا لان في صوتها بنلمس كل العطور، احنا محتاجين نلمس الروعة وعطور صوتك نحسها».
وأشارت: «احنا بنحبك يا نجاة ونفسنا ان انتي تكوني موجودة يا ريت تحققلنا الحلم دة، وهي ليها اغاني كتير، وهي حالة مختلفة ومعجزة من المعجزات، ياريت وزارة الثقافة تحط ده هدف قدامها وتقنع نجاة مرة تانية ترجع تغني واحنا محتاجين نسمع، احنا عندنا نجاة رمز عربي وهي تستحق مننا مجهود».
______
سهير جودة: لغة الايموجي لا اعرف عنها شئ واصبح لها معنى مختلف عند الكبار والصغار
علقت الاعلامية سهير جودة، على تعبيرات الايموجي الالكترونية التي يستخدمها البعض على مواقع التواصل الاجتماعي، مؤكدة انها تجهل بهذا النوع من الرموز الإلكترونية ولا تعرف التفسير الخاص لكل رمز منهما.
واضافت سهير في برنامجها الذي يحمل اسم «الستات»، والمذاع عبر فضائية «النهار»، قائلة: « لغة الايموجي دي جديدة ومؤخرا فهمت جزء بسيط منها زي علامة اللايك والقلب، ومن وقت قريب بعت لبنتي ايموحي اسألها عن معناه، وهي استغربت جدا، وانا اللغة دي معرفهاش خالص ولقيت في ناس كتير زيي ميعرفوش حاجة عن اللغة دي».
وتابعت سهير: «في جيل الاصغر اسمه الجيل (Z)، ده اسمه جيل المواطنين الرقميين، وهم مواليد 1997 وحتى الان، والجيل ده بيتهموا ما قبلهم بعدم معرفة لغة الايموجي، وعرفت ان علامة اللايك بالنسبة للجيل بتاعنا معناه تمام وكويس جدا، لكن مع جيل (Z) معناه اني بقفل الكلام ومش عايز اتكلم، وبقى في معنى في اللغة الرقمية مختلف عن المعنى الموجود عن الصغيرين».
واشارت: «الايموجي دي كلمة يابانية وظهرت سنة 1998 في اليابان، كان في مصمم ياباني كان عايز يعمل رمز تعبيري وشاف رموز على الانترنت، فحب يخليها لعة عالمية لأن اللغة اليابانية صعبة جدا».
