روت ندى حسن إحدى ضحايا الطلاق الشفهي تجربتها مع مأساة الطلاق الشفهي قائلة: ” أنا قصتي متعبة نفسياً بعض الشيء وأنا عندي طفل ” أدم” وضحيت وقبلت بشروط طليقي لانه طلقني شفهياً ورفض الاثبات إلا بشرط التنازل عن إبني “.
تابعت في لقاء خاص خلال برنامج ” كلمة أخيرة ” الذي تقدمه الاعلامية لميس الحديدي على شاشة ” ON”حول قضية الطلاق الشفهي قائلة : ” مش كده وبس هوا شرطه أن والدته تربيه لانها محتاجة ونيس! وماعملتش اي حاجة في حياتي عشان اضحي وارمي إبني “
أكملت أ” أنا سني 25 سنة وكنت بحب زوجي وكنت متمسكة به جداً لفترة طويلة ومكنش عنده لاشقة ولاعفش ووافقت لانه هيسافر بره ويكون نفسه في الامارات وبالفعل منذ سفره لم ينفق علينا مليماً”.
إستطردت : القصة بدأت أنو بدا يساومني مقابل إرتدائي الحجاب وانا مش محجبة اصلاً وقلي تبقي طالق مني لو نزلتي من البيت من غير حجاب وفجأة الامر جاء منه مش من ربنا سبحانه وتعالى ومن وقت رفضي للفكرة وكل يوم يهددني بالطلاق بحجة ” الحجاب “.
وأشارت إلى أنها إكتشفت علاقته بواحدة أخرى في الامارات وقال لي : طلقتك بس مش هثبته ولا هوثقه روحي أتمرمطي في المحاكم وأنا دلوقتي دون عمل أو بيت “
اكملت باكية : ” مش عارفة اعمل إيه لابيت ولا شغل وبحاول أعول إبني وأعوضه بقيامي بدور الاب والام .. مش هدفع إبني ثمن إختياري الغلط “.
وأتمت: أنا من الاسكندرية وطليقي من القاهرة ولما شفت معاملة وزالدته لابني قررت أخده واقبل بالطلاق الشفهي لاني ماليش غيره “
