كتب ـ محمود الشريف
علق الدكتور طارق شوقي، وزير التربية والتعليم على المنشور المتداول الخاص بحصول الطالب يوسف محسن، بمدرسة جمال عبد الناصر، غرب الفيوم، على صفر في امتحان اللغة العربية بالرغم من أنه حاصل على مجموع 64 % بالثانوية العامة، قائلا: «لا داعي لترويج هذه الحالات على جميع المواقع لأنها تصلنا ويتم التحقيق بها عن طريق الشؤون القانونية».
وكان الطالب نشر استغاثة على صفحته الشخصية على فيسبوك، قائلا: اسمي يوسف محسن، مدرسة جمال عبد الناصر غرب الفيوم جبت 64 % وجبت في العربي صفر. وقص الطالب ما حدث معه داخل اللجنة أثناء امتحان اللغة العربية قائلا: “حصل معايا إن كنت مسلم ورقتين للبابل شيت وعامل محضر بده زي ما المدرس قالي انا قولت للمراقبة، أنا غلطت في سؤال أعمل ايه ادتني بابل شيت قالتلي حل فيه السؤال ده بس وهندبس الاتنين في بعض ومعاهم المحضر».
وتابع: المحضر لم يكن بتبديل البابل شيت، ولكن كنت كاتب أن عندي سؤالين غلط وتم نقلهم في بابل شيت اخر ع حسب تعليمات المدرس ب الكلام اللي هكتبه انا معرفش ازاي اكتب محضر انا كتبت الي قاله”.
وأكمل الطالب في استغاثته قائلا: “لما سالت دلوقتي كذا مدرس قالوا بيروح ورقه واحده والتانيه بتتبعت كتالف ومدرسين قالوا بتتقطع بس وده مش الي مضيت عليه ولا كتبته في المحضر المحضر اتعمل ومضيت ع اساس اللي مستر بتاع اللجنة قالي عليه والي انا كاتبه ب ايدي ف المحضر”.
وأضاف: كتبت المحضر أنني نقلت إجابة السؤال ده في بابل شيت تاني ومضيت عليه والمراقب كنت قولتله طيب ينفع يبقي ليا اتنين قالي طالما معمول محضر اثبات حاله خلاص وكان في آخر الوقت وقالي يلا عشان الوقت خلص وانا كنت أول مره ف حياتي امتحن بابل شيت ولسه معرفش أي حاجة فمشيت ورا كلام المدرس الي هو اكيد فاهم اكتر مني ودلوقتي لقيت اني جايب صفر في العربي معني كده ان الورقه الي هي فيها سؤال واحد اللي راحت واتصححت ومع العلم المدرس قالي بيروح الاتنين طالما عملت محضر .
وتساءل الطالب هل ذنبي اني مشيت وراء كلام المراقب اللي اصلا مخلنيش انقل غير سؤالين بس ولو سابني انا كنت هنقل كله بس المراقب والمراقبة كانوا واقفين جنبي عايزين يلموا الورقة وخلاص… توضيح اخير انا حالل ف ورقة الأسئلة يعني دليل اني حالل ومش سايب الورقه فاضية بالاضافه لان مفيش مراقب طول الإمتحانات كان بيستلم ورقه بابل شيت ناقصه سوال كانوا بيدخلوا قبل ساعه الا ربع يلا يابني انت وهو حل في البابل شيت وسيب دلوقتي الحل اهم حاجه تنقل في البابل شيت في مستحيل كان هيستلم مني ورقه بابل شيت مافيهاش غير سؤالين بس الي محلولين … و بالاستناد لدرجاتي أنا حالل في كل المواد حلو فأكيد مش هدخل أسيب ورقة العربي بتاع البابل شيت فاضيه وانا اصلا حالل في ورقة الأسئلة”.
