كشفت التحقيقات في واقعة خطف نجل وزير الصحة الأسبق الدكتور حاتم الجبلي في 17 سبتمبر 2023 بدائرة أول أكتوبر، تفاصيل خطفه بالتحايل والإكراه، إذ إنه على إثر وجود علاقة صداقة بين المجني عليه والمتهم الأول تيقن الأخير بأنه ميسور الحال، أقام وباقي المتهمين تشكيلًا عصابيًا مكونًا من 10 أشخاص لخطفه.
وجاءت أقوال المجني عليه نجل وزير الصحة الأسبق كالآتي: اللي حصل إن أنا بشتغل دكتور وعضو منتدب لشركة تحاليل طبية، ومن نحو سنتين كنت بدور على إنستجرام على مدرب خاص جيم عشان يدربني في البيت وساعتها دورت بشكل عشوائي على مدرب خاص وجت قدامي صفحة محمد حمدي لبيب ودي كانت أول مرة أعرفه، فبعتله رسالة على صفحته وساعتها رد على رسالتي واداني رقم تليفونه وهو كمان أخد رقم تليفوني وبدأنا نتواصل مع بعض عشان نتفق على مواعيد التدريب.
وتابع نجل وزير الصحة الأسبق بالتحقيقات: فضلت علاقة صداقة بيني وبين محمد لبيب وكنا بنتكلم مع بعض وأسال عليه ويسأل عليا وساعات كنا بنتقابل ونقعد نتكلم شوية لحد لما في أول سنة 2023 بنت محمد لبيب تعبت جامد وكان عندها التهاب في اللوز، وكان ليه مضاعفات جسدية بأثر على حركتها وساعتها لاقيت محمد لبيب بيكلمني وطلب مني أساعده وأشوفله دكتور.
