قال مرقس عادل مخرج مسلسل المعلم أن ما أثير عن أسباب حريق استوديو الأهرام غير صحيح، كما قدم الشكر لكل من حرص على السؤال عنه وعن فريق العمل بعد حادث الحريق الذي شب في الديكور الخاص بالمسلسل في استوديو الأهرام.
وشكر مرقس عادل كل من حاول الاطمئنان عليه قائلًا: شكرا لكل الناس اللي بتكلمني تطمن علينا من إمبارح مش عارف أرد من كتر المكالمات والرسايل بشكركم حقيقي على محبتكم واهتمامكم الحمدلله احنا بخير.
وعن تفاصيل يوم حريق استوديو الأهرام قال: كنا خلصنا اليوم ده تصوير في الاستديو وروحنا وبعدين حصل الحريق فموضوع أنه حصل بسبب تصوير مشهد ده مش حقيقي و دلوقتي كل المهم ان إحنا نطمن على الناس اللي حوالين الاستوديو والأرواح لأن دي أهم حاجة أنا بعد ما وصلت البيت جالي الخبر.
وتابع: رجعت لقيت منظر مهيب جدا جدا وكل حاجة راحت وصدمة ومشاعر متداخلة كتير ربنا يهون علي الجميع ويطمنا علي كل أهالي المنطقة والحمدلله عرفت ان مفيش خساير في الأرواح.
ووجه رسالة للصحفيين قال فيها: وبالنسبة لمكالمات وأسئلة الأساتذة الصحفيين عن خسائر المسلسل ومصيره والحاجات دي صدقوني مش ده المهم دلوقتي بالنسبالنا ولا قادرين نفكر فيه دعواتكم لينا وشكرا من قلبي لكم المكالمات والرسايل اللي بتأكد المحبة والدعم.
