وجه المطرب تامر حسني، رسالة للجمهور بسبب “ليلة القدر”.
وكتب تامر حسني ، عبر حسابه على فيسبوك، قائلا: “صباح الهنا على أغلى الناس، النهاردة جمعة مباركة وليلة عظيمة مين عارف.. جايز تكون ليلة القدر إن شاء الله”.
تامر حسني تابع: “إيه رأيكم نكثف الدعاء وندعي لبعض كتير من أول اليوم لآخره.. لفت نظري شرح جميل من الدكتور عمرو خالد عن سورة القدر، وتحديدا آية (ليلة القدر خير من ألف شهر) يعني الليلة دي أفضل من تقريبا ٨٤ سنة”.
وأوضح تامر حسني: “تخيل ربنا يغفرلك عمرك كله ولو عندك كل السنين دي.. يلا يا جماعة مين عارف مش جايز بدعاك النهاردة ربنا يفرح قلبك العمر كله ويحققلك اللي نفسك توصله ويبدل حالك وحال اللي بتحبهم ويسامحك على كل الذنوب اللي أنت متخيل أنه مش هيسامحك عليها”.
وأضاف تامر حسني: “أدعوا يا جماعة ربنا غفور رحيم، وندعي جامد أوي أوي لأهل فلسطين، الله يسترهم وينصرهم ويعوض صبرهم ويحفظ كل شعوبنا العربية ومصرنا الحبيبة.. ربنا يتقبل منا جميعا إن شاء الله”.
