تحدث المطرب تامر حسني، عن ابنته تاليه مؤكدا أنها تريد أن تصبح مديرة أعماله.
ونشر تامر حسني، الفيديو، عبر حسابه على إنستجرام، وعلق: “قصة الڤيديو.. اللي جنبي هو أستاذ عمرو مخرج الحفلة صاحبي وكنا في كلية إعلام مع بعض وفرحت أوي لما شوفته يومها بيخرج حدث مهم كده”.
وتابع تامر حسني: “أما حبيبة قلبي تاليه.. جاتلي من أول اليوم قالتلي أنا النهاردة مديرة أعمالك وهتسمع كلامي في كل حاجة قولتلها حاضر بس الشغل مفيهوش هزار ركزي في كل التفاصيل، قالتلي حاضر وطلعتلي البدلة اللي عجباها وجزمة ضيقة عليا، بس هي صممت عليها وأنا قولت حاضر”.
وأضاف تامر: “اختارتلي الأغاني ورتبتهم وماشية جنبي بقى عاملة وش الجد ومش بتهزر، قال يعني كده مديرة لحد ما اتكسفت كده والطفلة اللي جواها اللي بموت فيها ظهرت في الضحكه ربنا يحفظك يا حبيبتي ويحفظ كل ولادنا”.
