أثارت الفنانة المعتزلة ميار الببلاوي جدل واسع اعتادت عليه فى كل ظهور إعلامي ويكون غالبا خلال شهر رمضان تتصدر بعده التريند وصفحات التواصل الاجتماعي بعدد من التصريحات كان آخرها مع بسمة وهبة خلال لقائها فى برنامج العرافة.
أزمة ميار الببلاوي والشيخ أبو بكر
ما زاد من حدة الأمر هذا العام تعليق الشيخ محمد أبو بكر أن طلاقها من نفس الشخص وعودتها له يعد زنا.
لتخرج ميار الببلاوي فى بث مباشر وهي فى حالة انهيار بعد تعليق الشيخ محمد أبو بكر على تصريحاتها عن الطلاق 11 مرة من نفس الشخص، وقالت باكية: “شيخ جليل ويخوض فى عرضي وشرفي رغم أن كلنا بنحبه وبنسمع كلامه”.
وتابعت: “لما شفت الفيديو لقيته متكلم عليا وحش وخاض فى عرضي، حسبي الله ونعم الوكيل فيك، أنا سبت التمثيل وكل حاجة وبقدم برنامج وحياتي بين صلاتي وبيتي وتربية ابني ومش بخرج من بيتي إلا لو رايحة شغلي أعمل إيه تاني يعني ادفن نفسي مع أمي”.
ميار الببلاوي وإيناس الدغيدي
تحدث ميار الببلاوي فى لقاء سابق عن هربها من تصوير مشاهدها الجريئة فى شهر رمضان حيث كانت تنتظر أذان المغرب معلقة لو هعمل حاجة حرام يبقي فى الفطار مش وأنا صايمة.
جاء ذلك خلال لقاء ميار الببلاوي فى برنامج “قعدة ستات” المذاع على القاهرة اليوم.
وأوضحت ميار الببلاوي: “مشهدي الجرئ مع عمرو عبدالجليل كنا فى رمضان وكنت رافضة أصوره لدرجة دخلت الحمام وفضلوا يخبطوا عليا، كنت مستنية بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت”.
وأضافت “الفيلم كله معظمه اتصور في رمضان، وأنا عندي عقدة من التصوير في رمضان،رغم أني كنت شابة ولسه بلبس وكده، ولكن مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت “بمايوه” شورت كده وزعقتلي وقالتلي أمشي البسي المايوه التاني.
نجلاء فتحي قالتلي رمضان للفقراء
واستكملت: نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني.
وتابعت: يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلي كده عشان كانت عايزاني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان.
يذكر أن الحديث كان عن فيلم “ديسكو ديسكو”، شاركت فى بطولته نجلاء فتحي، وكذلك صلاح ذو الفقار، محمود حميدة، شريف منير، محمد متولي، وفاء عامر، عبدالله محمود، ميرنا وليد، عمرو عبد الجليل، والفيلم من تأليف عبد الحي أديب، إخراج إيناس الدغيدي.
