علق الفنان محمد رشاد، على انفصاله عن زوجته مي حلمي، وذلك بكلمات نشرها على موقع “إنستجرام”.
ونشر صورة كتب فيها بعض العبارات التي تحدث فيها عن انفصاله عن زوجته بشكل رسمي، حيث كتب: “أتمني تقروا وتفهموا الكلام كويس وتنفذوه من فضلكم.. كل شيء نصيب والكلمة الطيبة قدرها كبير عند الله وفي قلوب الناس”.
وقال رشاد: “قبل أي شيء بسم الله الرحمن الرحيم “الطلاق مرتان فإمساك بمعروف أو تسريح بإحسان” صدق الله العظيم، الآية الكريمة دي بتلخص تفاصيل كتير مش هدخل فيها؛ لأنها تخصني وتخص طرف تاني كان في يوم جزء من حياتي، وبعد 3 مرات طلاق أكيد مينفعش نكمل وكأنه محصلش”.
واختتم: “فالأول والآخر ياريت نراعي إن البنت بتتأثر بالكلمة الوحشة قبل الحلوة، قضينا أيام منها الحلو ومنها اللي مش حلو، وكل شيء نصيب، وقدر من ربنا، وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا، ودا هيكون آخر حاجة ممكن أقولها بخصوص الموضوع ده”.
