أثارت الإعلامية منى خيري نواية، جدلًا واسعًا بحدثها عن الزوجة الثانية وحثها النساء على تقبل الأمر، رغبة في مساعدة الزوج على تلبية طلباته وسعادته، حسبما عبرت.
وقالت “نواية” عبر صفحتها الشخصية بموقع التواصل الاجتماعي «فيس بوك»: «أجمل هديه ممكن تهادي زوجك بيها متبقيش بخيله عليه بفرحة تدخل قلبه برزق وطاقة جديدة”.
وأضافت: “وجود زوجة أخرى في حياته مش هيقلل من وجودك في شيء بالعكس كده الخلافات حتقل والنكد كمان والمسؤولية هتتقسم على اتنين خليكي وثقه من نفسك كده، اتوكل على الله بجد هتحسي بفرق كبير جدا حد يسليكي في جو الاكتئاب دا”.
الهجوم الشرس من النشطاء على تصريحاتها يبدوا أنه كان متوقعًا، إذ أظهر الغضب الشديد والسخرية مما كتبته الزوجة الثانية.
فقال ناشط: «طيب ما تتوكلى على الله انتى الأول واعمليها وهم هايقتدوا بيكى ويمشوا وراكى»، حيث ردت علية قائلة: «انا معنديش اي مشكله اهم شيء يكون مبسوط».
وعلق آخر: «ممكن تورينا قسيمة الجواز بتاعت الزوجة التانية لزوجك عشان نقلدك».
ناشطة أبدت تضررها من الفكرة قائلةً: “سؤال ليه بقا يجوز وحدة تانيه علشان يغير طيب ماشي طيب هوة ينفع يجوز طيب وحنا لو زهقنا نغير بردة ولا من حقهم هما انما احنا شيلين الهم والنكد ويجي هوة كمان يجوز بسي يقدر على وحدة”.
بينما راقت الفكرة لبعضهم فمدحها قائلًا: «ياريت كل النساء زيك في عقلك ورزينتك.. ربنا يسعدك ويفرحك انتي وأسرتك الكرمة».
وأشاد آخر بقوله: «بحيكى على روحك وتفكيرك المنطقى ياريت كل الستات تفهم الموضوع ببساطه كده».
