أعربت النجمة سمية الخشاب، عن حزنها الشديد لواقعة سيتي ستارز وانتحار طالبة بالفرقة الخامسة بكلية طب الأسنان داخل المول بعد إلقاء نفسها من الطابق السادس.
وكتبت الخشاب، عبر حسابها على تويتر، قائلة: “حادثة سيتي ستارز وجعتلي قلبي.. حبايبي أوعوا أي مشكلة أو موقف أو حدث في حياتكم يخليكم تفكروا في الانتحار.. كل مشكلة لها حل ومفيش حاجة نهاية العالم”.
وتابعت: “يا ريت لما حد يقولكم إنه بيفكر في الانتحار تحتضنوه ومتستهتروش بكلامه، وتحاولوا تنبهوا حد من أهله أو القريبين منه عشان وقتها بيكون محتاج دعم نفسي ولازم يتلحق قبل فوات الأوان”.
وأضافت: “قسوة بعض الآباء والأمهات اللي معندهمش وعي كافي تجاه أبناءهم وخصوصًا بعد النتائج الدراسية بتكون نتائجها كارثية، بطلوا تهينوا وتأذوا ولادكم وبلاش الكلام اللي زي (إنت فاشل) و (موتي نفسك) عشان عواقب الكلام ده بتتسبب في مصايب وهيبقى ذنبهم في رقبتكم”.
