تلقت الفنانة نورهان، تهديدا من المنتج محروس المصري، بسبب أجرها في عمل فني ينتجه.
وقالت نورهان، في فيديو لها عبر إنستجرام :”صحيت على تهديد من منتج فني لمسلسل كنت بدأته من ٤ شهور قبل رمضان، والمسلسل أجواء تصويره كانت صعبة جدا، وصورت ٩٥ ٪ من مشاهدي فيه ولم اتقاضى أجري، وباقي لي يوما واحدا في التصوير، والوعود المستمرة اللي هنجيبلك جزء من أجرك المرة الجاية، وإحتراما للمخرج عصام شعبان اللي بعتبره أبويا وأستاذي واشتغلت معاه وأنا عندي ١٤ سنة، وبحب الشغل معاه، وراجل محترم جدا، ومخرج موهوب وبستمتع جدا وأنا بشتغل معاه، فاحتراما له كنت بكمل تصوير ومبرضاش أعمل مشاكل من شأنها تؤثر على مراحل التصوير”.
وتابعت :” قبل آخر يوم تصوير.. يعني لو صورته خلاص هو مش محتاج لي في حاجة، استوقفني إني أطالب بأجري، خاصة إني ماضية بنص أجري استعطافا مني تجاههم بعد حديثهم معي بالوقوف بجانبهم وجانب العمل، وماضية إني هاخد نص أجرى فقط أثناء التصوير، وإن أخد النص التاني بعد بيع العمل”.
وأوضحت :” صحيت من النوم على رسالة لقيت رسالة صوتية فيها، أستاذة نورهان مساء الخير.. أنا محروس المصري، فلوسك موجودة بس حضرتك تمضيلي على إقرار انك هتكملي المسلسل.. المشاهد اللي فاضلة ٤٥ مشهد”.
واستكملت :” طبعا أنا مشاهدي الباقية ١٠ مشاهد فقط، يعني يوم تصوير، بناء على اتفاق بيني وبين المخرج المنفذ المختص بتنسيق المشاهد والأيام، والأستاذ محروس اعترف إنه مأخر عليا فلوسي، ودلوقتي بيساومني على إتفاق من اتنين (بالنسبة للعقد بتاع حضرتك.. العقد مكتوب فيه مسلسل.. لو أنا بعت ضميري معاكي، المؤلفة والمخرج ماضيين لي على ٣٠ حلقة، ومدير التصوير ماضيلي على ٢٢ يوم، فكلتا الحالات الحكم ليهم هما الثلاثة).. ده كلام الأستاذ محروس اللي معناه يا إما أصور ٤٥ مشهد زيادة عشان أخد أجري الحالي المتفقة عليه، يا إما هكون مجبرة على إني أصور ١٥ حلقة زيادة لأنه حول المسلسل من ١٥ حلقة إلى ٣٠ حلقة، فعايز يورطني لأني مكتبتش في العقد إن المسلسل ١٥ حلقة”.
وأضافت :” هددني بحاجتين، الأول (إني مش هاخد فلوسي إلا لو اشتغلت ٤٥ مشهد زيادة يعني ١٥ حلقة زيادة)، والثاني قال فيه (هشتغل من يوم الأحد باتجاهات تانية.. أنا لا بشتكي ولا بروح محاكم، حتى النقابة عرفاني اني بياع طماطم وخيار، ومش بنصب على حد، يا ريت تردي عليا لو غاوية تكملي المشروع ولو مش غاوية، يبقى خيرها في غيرها “.
