تعرضت النجمة ياسمين عبد العزيز لوعكة صحية خطيرة الأيام الماضية نقلت على إثرها إلى إحدى المستشفيات الخاصة.
وأجرت ياسمين عبد العزيز عملية جراحية الساعات الماضية، وهي الآن تحت الملاحظة في العناية المركزة، إذ تعاني حاليا من مضاعفات العملية الجراحية.
ولفت الفنان المصري، أحمد العوضي، زوج ياسمين عبد العزيز، في وقت سابق، إلى خضوع زوجته لعملية جراحية على حسابه في “فيسبوك”، وقال: “الرجاء الدعاء بظهر الغيب لزوجتي وحيبتي ياسمين.. هي في العمليات ومحتاجة دعواتكم، اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفها وعافها”.
وتابع : “يمكن ببان قدامكم دايما قوي..لكن الحقيقة أنا دلوقتي أضعف إنسان على وجه الأرض عشان أنا روحي مش معايا..أنا ضعيف جدا من غيرك.. إنتي لازم تبقي كويسة ولازم تقومي بالسلامة..أنا لأول مرة أكتب من غير ما أكون مفكر أنا بكتب إيه وهكتب إيه..بس إنتي هتقومي إن شاء الله بإذن الله عشان إنتي وعداني وعد وهتتفذيه”.
واختتم حديثه قائلا : “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة..وأنا دلوقتي مش قوي زي ما إنتي بتشوفيني أنا دلوقتي ضعيف ضعيف جدا..لحد ما تقوميلي تاني عشان زي ما إنتي بتاخدي قوتك مني أنا كمان باخد قوتي منك..قومي عشان أنا بحبك..بحبك أكتر بكتيير من كل الكلام اللي أنا كتبته..أكتر بكتير من كل اللي عدينا بيه مع بعض من أيام حلوة ومواقف صعبة مرت علينا..أكتر بكتير حتى من الموقف اللي إحنا فيه دلوقتي..أنا بحبك”.
فيما أعلن الفنان وائل عبد العزيز شقيق الفنانة ياسمين عبد العزيز، عن آخر تطورات الحالة الصحية لها، مؤكدًا إلى أنها في حالة خطرة، إذ كتب عبر حسابه الشخصي بموقع التواصل الاجتماعي فيس بوك: صباح الخير.. أنا كل اللي هقدر أقوله دلواقتي ادعوا لياسمين حالتها خطره”
وكانت آخر أعمال النجمة ياسمين عبد العزيز مسلسل “اللى مالوش كبير” من تأليف عمرو محمود ياسين، وإخراج مصطفى فكرى، وإنتاج شركة سينرجى، وشارك في بطولته كل من النجم خالد الصاوى، وأحمد سعيد عبد الغنى، ودنيا عبد العزيز، ومحمود حافظ، وإيمان السيد، وبدرية طلبة وعايدة رياض وفتوح أحمد وأحمد الرافعى وأحمد عبد الله محمود، ومحمود ياسين “جونيور” وهدى الإتربى، وتدور أحداثه فى إطار اجتماعى أكشن.
