قال الرئيس عبد الفتاح السيسي:« إنه مش معقول 20 رغيف بتمن سيجارة، وأنا بقولها على الهوا.. هذا الأمر يجب أن يتوقف.. وأقول عاوز أوفر لولادي وجبات بـ8 مليار جنيه للتغذية المدرسية.. الكلام ده لازم يتوقف.. لازم نعيد تنظيمه».
وأضاف «السيسي»، خلال افتتاح مجمع الصناعات الغذائية سايلور فودز بمدينة السادات، بمحافظة المنوفية، موضحًا: «جه الوقت اللي رغيف العيش أبو خمسة ساغ يزيد تمنه.. حد يقولي ده كلام خليه للحكومة، خلي رئيس الحكومة اللي يشيلها.. لا أنا اللي هاشيلها قدام بلدي».
وتابع الرئيس السيسي، قائلًا: «مبقولش هانغلي ويبقى بسعر التكلفة بـ65 قرش.. الدولة لها قدرات.. لتقديم خدمات وأنشطة.. إحنا مش أقل من 6 شهور لتوفير الاحتياطات الاستراتيجية.. مفيش مشكلة عندنا بنعمل كل ده».
