قالت الأولى على الشعبة الأدبية بالثانوية العامة، فريدة مؤمن المطري، إن “النجاح شعور جميل جداً وحاولت من بداية العام أن أذاكر واعمل اللى عليا على قد ما أقدر والنتيجة توفيق من ربنا الحمد لله”.
وأضافت: “هناك مجالات كثيرة بحبها، ولكن لم أستقر على مجال معين ولا كلية معينة حتى الآن، ولكن إن شاء الله فى الغالب هتكون كلية إعلام أو كلية اقتصاد وعلوم سياسية.”
ووجهت فريدة الشكر لووالدتها ووالدها وإخواتها، قائلة: “كانوا على طول جنبي وداعمين ليا، بشكرهم كثير جداً، وكمان بشكر مدرستى ومعلمينى اللى عديت عليهم على مدار السنة كلها، والشكر الأول والأخير لربنا إنه وفقنى، والسعي دائما على البنى آدم والنتيجة بتكون على ربنا، وأيا كانت النتيجة كنت هكون راضية بيها لأنها أكيد هى اللى فيها الخير ليا”.
وأوضحت أن “النظام المختلف للامتحانات والذي نمر به خلال الثلاث سنوات الماضية، يتطلب من الدفعات القادمة تغيير طريقة المذاكرة اللى متعودين عليها، لأن النظام الجديد لا يعتمد على الحفظ ولكن يعتمد على الكم الأكبر من المعلومات، والطالب لازم يكون فاهم الكم دا علشان كدا لازم يبحثوا على قد ما يقدروا فى كل المصادر، ويبذلوا أكبر مجهود ويحطوا أمامهم هدف ويبذلوا ما بوسعهم للوصول لهذا الهدف، والنتيجة فى الأول والآخر بتاعة ربنا”.
