نشر مطرب المهرجانات حمو بيكا رسالة لطلبة الثانوية العامة موجهاً بعض النصائح للطلاب عن أهمية العلم، وتحدث خلال منشوره عن النجاح موضحاً أنه غير مرتبط بالعلم، وأضاف الشارع علمني الكثير ولكن لايعوض عن المدرسة والجامعات.
وجاء المنشور على حسابه الرسمي فيس بوك تحت عنوان: “رسالة لطلاب الثانوية العامة و الكليات” جاء فيه.
” رسالة لطلاب الثانوية العامة و الكليات ” ..
هو انا اه مش متعلم و اخدت ( محو الأمية ) بالعافية لكن ده مش حاجه تفرح ولا تقول ( عندك بيكا اهو مش متعلم بس ناجح ) ، صدقوني و الله طعم النجاح مع العلم مختلف تماماً عن طعم النجاح من غير علم.
وأضاف فى منشوره: العلم بيفرق في كل حاجه في الدنيا ، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها ، العلم بيستر كتير اوي و بيخليك واعي و متفتح في كل مجالات الحياة.
وأضاف: هو اه الشارع علمني كتير ، بس مش زي المدارس و الجامعات ، حتي لو مش هتشتغل بشهادتك و حتي لو دخلت كلية مش بتحبها ، بس يكفي انك متعلم و معاك شهادة تقدر تسد بيها عين الشمس .
واختتم: اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده .
” انا اه مادخلتش مدارس و ماتعلمتش ، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم ”
