تحدث مؤدي المهرجانات مسلم، عن حياته قبل الغناء وأنه كان يصلي بالناس وكان مسؤول عن المسجد المجاور لمنزل.
وقام مسلم ، خلال لقائه ببرنامج “أسرار” بتأديته للآذان خلال حلقته وأوضح قائلًا: عرفت أن صوتي حلو لما كان عمري 8 سنين وابتديت أقيم الآذان وأكون مسؤول عن الجامع اللي جمب بيتي وافتحه للناس، وصوتي بقى كويس بسبب تجويد القرآن لأنه بيحسن الصوت.
وأضاف مسلم: أنا اتبهدلت كتير عشان أرجع أغني وكان حلمي أوصل بموهبتي لهدف أقول أني هوصل وهعمل ده، ومبقتنعش بكلام الشيوخ أن الغناء حرام والدين بتاعنا ده دين الأخلاق وربنا هيحاسب كل واحد على نواياه، ممكن أصلي ولكن في حاجات بتفوتني ومش زي الأول وبتمنى ربنا يهديني وأرجع تاني، وشغلي السبب في كده وده غصب.
