صرح الفنان شريف خير الله انه يعاني طوال ألاربع سنوات الماضية ،حيث أنه مر بظروف صعبة بسبب قلة مشاركته الأعمال الفنية حيث اضطر بيع منزله وسيارته، أيضا تعرضه لحادث كاد أن يتسبب في وفاته.
حيث حل ضيف برنامج الستات المذاع على قناة النهار ومن تقديم سهير جودة ومفيدة شيحة وقال: بسبب قلة الشغل، بعت كل حاجة، بعت عربيتي وبيتي وحسيت أني ممكن أنام على الرصيف، لكن كان عندي التزامات تجاه ابني وكنت مدخله مدرسة كويسة لأن حالتي في الأول كانت أفضل بكتير.
و علق شريف خيرالله، على المنشور الذي أعلن فيه أنه قرر العمل كـسائق تاكسي، معبرًا عن انزعاجه من فهم كلامه بشكل خاطئ، مضيفًا: الناس حزنت عليا أكتر ما أنا كنت حزين على نفسي.
وقال: وأنا بكتب الكلام ده كنت بعيط كنت حزين على نفسي وعلى الأعمال اللي كنت بحاول أتواجد فيها بشكل كويس، حسيت إن عمري كله اللي اشتغلته في المهنة دي ضاع مني، وكان دايما عندي مقولة مش مهم إن الناس تسقفلي وأنا موجود المهم لما أمشي الناس تقول الراجل ده كان بيعمل أعمال كويسة ومحترمة
وأضاف: حصل لي خبطات كتير في حياتي، وعملت حادثة، ودخلت في غيبوبة، وفقدت الذاكرة، وطلقت مراتي، وكان عندي ثقة في ربنا أنه مش هيسيبني بس في نفس الوقت بقول يا رب كفايا كده عاوز أموت.. وحسيت إن عمري كله اللي اشتغلته في المهنة دي ضاع مني.
