وجه الفنان تامر حسني رسالة طويلة للفنانة هنا الزاهد بعد فوزها بجائزة الإبداع والتميز بمهرجان الفضائيات العربية وكانت قد اهدته الجائزة جاء ذلك عبر حسابه على انستجرام حيث بدأ رسالته قائلاً:
بكتب بوست عن هنا والله والله مش عشان بتهديلي الجائزة لا … بكتب كلمة من قلبي عشان هي بنت قلبها جميل ومقدره المجهود اللي عملته عشانها وعشان كل الممثليين نوع القلب دا مبقاش موجود أوي، ياما ناس بتساعد ناس بس نادرين أوي اللي قدروا المجهود دا وعندهم قلب جميل يخليهم مينسوش تعب الناس اللي كانوا جانبهم وأخلصولهم من كل قلوبهم، كنت فاقد الأمل في النوع دا من القلوب يمكن عشان قدمت ناس كتير وللأسف معظمهم قلوبهم اتغيرت بعد ما نجحوا.
وأكمل: بس للأمانة هنا الزاهد هي هي نفس القلب الأبيض الجميل من أول يوم اكتشفتها فيه في مسلسل “فرق توقيت” بدور بسيط في بدايتها لحد فيلم “بحبك” اللي هي بطلته دلوقتي الفيلم اللي حقق أعلى إيراد دولي في تاريخ مصر والعرب و تجاوز الـ 600 مليون في ظاهرة أولى من نوعها ومش بس إيرادات لا دا حقق أعلى عدد زوار سينما في تاريخ السينما وبتتكرم عنه دلوقتي بجايزة مبياخدهاش إلا المتميز المبدع افرحي بنجاحك وبشغلك الرائع في الفيلم.
واختتم:مبروك يا هنا كل الناس بتحبك وكل الناس فرحانه بيكي وأنا بجد فخور بيكي وبقلبك الجميل المحترم الأصيل شكرا على الجايزة مستنيها في شركتي مليش دعوه، مليون مبروك يا أجمل هنا.
