قال الرئيس عبد الفتاح السيسي، إن المسار الحالي أكبر من أي أحد، “لازم أشتغل على كل قطاعات الدولة، حد يقول لي مهتم بالحديد والأسمنت.. طب والبشر؟ ، أنا مهتم بكله”.
وقال السيسي، بالجلسة الختامية للمؤتمر الاقتصادي: “حد يقول لك دول بيعملوا الجامعات الأهلية عشان يدّوها للأغنياء، أنا بأعمل مسار بتكلفة أقل عشان أحسِّن التعليم، بتخلَّص من القبح في كل شيء”.
وتابع: “عايزين نشوف زي بعض، باختلاف، قُول لي وجهة نظرك، أنا حلِّيت مشكلة الموانئ، أنا ماعنديش وقت أتأخر أكتر من كده، ماعنديش مهلة 10 سنين عشان الناس، اللي أعرف أعمله، أعمل أنا، طب بقت موجودة، اللي عايز يتفضل، لكل الناس بما فيها شركات الجيش، طب شركات الدولة مطروحة، طب مش بتعتبروا ده فرصة”.
وأضاف: “والله أنا صادق معاكم، كل شركات الدولة معاكم، بس ماتجيش تقول لي نفض لي منها العمالة الزايدة واديهالي، طب إزاي يعني.. لما تعمل شركة قطاع خاص بتنقي ناسك، اللي حصل ده ميراث، إوعى تخلي غضبك من سوء الأداء يتحول لعداء مع اللي بيعمل سوء الأداء، وإوعى تكره الفقير”.
