كشفت الفنانة شيرين رضا الكثير من أسرار حياتها وعن الفترة الأخيرة فى حياة والدها وكيف حدثها عن تأثير جمالها قائلة:« والدي قالي أني حلوة وده هيكون سبب من أسباب، حصول مشاكل كبيرة في حياتي، وكتشفت لما كبرت أن الشخص وهو صغير مش بيشغل تفكيره أي شيء».
شيرين رضا تتحدث عن معاناة المرأة الجميلة
وقالت شيرين رضا خلال برنامج abtalks الذي يقدمه الإعلامي أنس بوخش أن الجمال له ضريبة، فالسيدات يشعرن بالغيرة من المرأة الجميلة، ويحاول الرجال التقرب منها:«الجمال له ثمن ولازم تدفعه مينفعش تعيش عليه، علشان تلاقي حياة أفضل تقدر تعيش لأنه ممكن يضيع في لحظة».
وتابعت:«ولما كبرت اكتشفت أن كل كلامه صح، وأن والدها كان عايز بنت، وكان بيعلمني المسؤولية والاعتماد على نفسي».
شيرين رضا تتحدث عن رحيل والدها
وكشفت شيرين رضا، تفاصيل الأيام الاخيرة فى حياة والدها الفنان محمود رضا وكيف تجاوزت رحيله قائلة: والدي كان 65 سنة وكان بيلعب أسكواش وبيجري وبيطلع السلالم، ومرة راح للدكتور وقاله بلاش رياضة أنت كبرت، وساعتها تعب وفضل في السرير، وأنا كنت بتمنى أنه يمشي تاني وميحسش أنه قاعد مش قادر ياكل ولا يشرب وكنت سعيدة لما مات لأنه أرتاح ومتعذبش أكتر، وأكيد بيوحشني ولكني بحتفل بـ كل لحظة عشتها معاه، وبتمنى لما أموت الناس تحتفل بحياتي ويشغلوا مزيكا ويرقصوا ومش عايزة عزاء وعايزة حفلة.
