تحدث الفنان أحمد فهمى عن دوره فى فيلم العارف والذي جعل الجمهور وصناع الأعمال الفنية يروه بصورة مختلفة بعيدا عن الكوميديا وكان ذلك سبب اختياره فى أدوار مختلفة ومنها دوره فى مسلسل “سره الباتع”، قائلًا: “فكرو فيا لأن كان عندى تجربة قبلها فى فيلم العارف مع الفنان أحمد عز، بعيدة عن الكوميديا”.
وتابع خلال لقائه فى برنامج “مساء dmc” مع الإعلامية إيمان الحصرى: “فيلم العارف كان تجربة مختلفة، لكن ناس كثير خوفتني من الخطوة دى.
وأضاف: قالولي إني بجيب أرقام كويسة، وليه تشتغل في فيلم مع فنان تاني، لكن أنا قولتلهم إن الخطوة دي هتخرجني من العباءة بتاعت الكوميدي خروج آمن، لإني كنت بخاف أخد خطوة إني أعمل حاجة جد أو أكشن لوحدي، لأن الجمهور هيقطع تذكرة عشان يضحك هيدخل يلاقي حاجة تانية خالص، حتى لو الفيلم حلو بس كان هيبقى فيها خطورة، دا السبب اللي فكروا فيا لسره الباتع والسفاح اللي هيتعرض بعد العيد، ونوعية سره الباتع جديدة ومختلفة مكنش ممكن أعملها، وأي تجربة بتعلم منها”.
