تحدث الفنان حسن يوسف، عن تفاصيل آخر أعمال الفنانة المعتزلة شمس البارودي “اتنين على الطريق” وأنه هو من تعاقد لزوجته للمشاركة في بطولة الفيلم مع الفنان عادل إمام عام 1984، والذي يعتبر آخر ظهور سينمائي لها.
جاء ذلك خلال ندوة تكريمه في قصر السينما، موضحًا: إن شمس البارودي كانت رافضة التعاون عادل إمام في فيلم اتنين على الطريق.
وقال: شمس كانت معترضة تمثل قدام عادل إمام، وقولتلها أنا تعاقدت ليكي، ولكن الفيلم منجحش أوي رغم إننا سافرنا اليونان.
فيلم وثائقي عن حسن يوسف وشمس البارودي
كما تحدث حسن يوسف عن تفاصيل تقديم ابنه فيلم الوثائقي حيث عن قصة حياته ، وزوجته شمس البارودي، فعلق حسن يوسف قائلًا: مامته قالتله أنا مش هخرج من البيت وعايز تصور يبقى في البيت، وهو عايز يتكلم عن علاقتنا وعن مامته كأم وحبها للمطبخ وحبها لأولادها.
حسن يوسف: شمس البارودي حياتها لبيتها وأولادها
وتابع حسن يوسف: شمس لما اعتزلت كانت أعلى أجر وكانت بتاخد 20 ألف في الوقت اللي الناس بتاخد فيه 4 آلاف.
كما علق حسن يوسف عن إمكانية عودة زوجته شمس البارودي للفن مرة أخرى، قائلًا: شمس البارودي نسيت أساسًا إنها ممثلة وهي بعيدة من فترة طويلة وحياتها وحبها لبيتها وأولادها وجوزها أهم من أي حاجة وهي بتحب المطبخ أوي كمان وبتحب المطبخ أكتر مني.
