قالت شاليمار شربتلي، زوجة المخرج خالد يوسف، إن مسئولية الأمومة هي اضخم مسئولية في العالم، “عارفة يعني ايه يبقى معاكي بيبي صغنن مش عارفه هيصحى امتى وهيجوع امتى، وعمر ما في عيل بيموت نتيجة انه جعان من امه، مسئولية ربنا اعطاها للست من سابع سماء، الام عمرها ما تكون رقيقة اطلاقا، الام دي اللي لازم تكون قوية وحادة مع اولادها لكي يبحوا رجال، وانا مش مع التربية الحديثة اللي بتعملها امات اليومين دول، لازم الام تبقى قوية مش ضعيفة، والام اللي تتعامل مع ابنها بالشوكة والسكينة متبقاش أم، كلمة الضنا غالية جدا، ربنا سمى اسمه الرحمن من الرحم”.
وكشفت شاليمار خلال لقائها مع الاعلامية سهير جودة، في فيديو نشرته عبر صفحتها على فيسبوك، أن الفنانة هالة صدقي دورها في مسلسل “جعفر العمدة” بشخصية “صفصف” كانت شخصية شعبية، لذلك كانت قريبة من الناس، لكن دورها في مسلسل “سره الباتع” ملحمة، فالامر كان مختلفا، “انا لما اسمع عبدالحليم غير لما اسمع سكر محلي محوط على كريمة .. صفصف شخصية شعبية قربت من الناس وحبوها بجد، وانا وهالة صدقي شخصيتان مختلفين وبيجمعنا الحب واحنا شبه بعض، فقولت انا لو مثلت المخرج هيحتار بيني وبينها بسبب الشبه ، وهالة ممكن تكون ارق مني شوية”.
وأشارت ان الفن يسير في دم عزيزة جلال وطوال الوقت تغني عندما تريد، لكنها ليست شخصية مستهلكة وهي شخصية منضبطة وكلمتها سيف، وهي ليست شخصية منفلته في الماضي، فتركيبتها مختلفة وهي هترجع وهتغني وهتملى الدنيا غنى، وهستقبلها في المطار.
معنديش عتاب لخالد يوسف خالص خالد وقف جنبي في مواقف كتير وربنا يخليه ليا ولبنتي ، اعاتبه على ايه ، وانا مش رومانسية ، وانا برج الدلو ورومانسيت البرج في افعالة مش في الكلام وخالد ميزان ، وانا وهو مختلفين كل واحد له اراء مختلفة بس بيجمعنا الحب ، وكل واحد فينا بيحترم اختلاف الثاني حتى لو اتخانقنا ومتكلمناش، واحنا اصلا ارائنا السياسية مختلفة
