حرص مؤدي المهرجانات حسن شاكوش، الرد على طليقته ريم طارق بعد تصريحاتها بأنه “كان مع ممثلة مشهورة في نهار رمضان، والمفروض عندها مشكلة صحية فقابلها في شاليه في السخنة وهو مسجل اسمها بالعربي”.
ونشر حسن شاكوش، مقطع فيديو، عبر حسابه على فيسبوك، وعلق قائلا: “مساء الخير يا جماعة، يمكن من ساعة الحوار ما خلص ومن آخر فترة أنا كتبت فيها وقولت اني هسكت ومش هحكي أي تفاصيل عن إنسانة كانت في يوم من الأيام عايشة معايا ومراتي احتراما للي كان بنا وأن أنا راجل اتربيت في بيتي”.
شاكوش تابع: “بس عارفين ببقى بعد كل فترة بيحصل فيها كلام كتير أو ضغط من كل اللي حواليا ببقى عايز أطلع وأحكي تفاصيل كتيرة أدافع بيها عن نفسي بس برجع وأقول هرد بكلام والكلام هيجيب كلام ومش هنوصل لحلول بس كل اللي أقدر أقوله أن مفيش عين تصدق غير اللي تشوفه”.
وأضاف حسن شاكوش : “ربنا يهدي الجميع ويعدينا منها على خير وآسف أني طولت عليكم”.
كما قال حسن شاكوش بالفيديو: “أنا عمري لا جبت سيرة بنت ولا غلطت في بنت، وشغلنا كله مبني على سمعتنا، وبعمل الأغاني بتاعتي للبنات والمجتمع وكل الجمهور، ومينفعش أجيب سيرة أي واحدة بشكل وحش.. أنا من منطقة شعبية وراجل صعيدي، ومتكلمتش طوال الفترة اللي فاتت عشان خوف ولا حاجة، وأي حاجة عنها هتمسني لأني كنت الراجل بتاعها”.
وأنهى حديثه: “أي حد يا جماعة يتكلم في حاجة، لازم تسمعوا من الطرفين، والراجل عنده كرامة وشرف، والكلام اللي سمعته ميرضيش ربنا، والراجل المصري ليه حقه، ويا ريت محدش يسمع حاجة غير من الطرفين”.
